FƏRƏH Quliyeva:
Azərbaycanın bir inci  Xanımı. 

Xalqın içində xalqa yaxın Xanım. Seçimi hər zaman vətəndaşlar olan Xanımı da, vətəndaşlar sevərək seçiblər. Öncəliyi rifahın yüksəldilməsi, vətəndaşın dövlətin dəstəyini hər zaman hiss etdirməsidir. Eləbil görüş, eləbil səfərləri olmayıb ki Xanım Mehribanımız orada öz humanist yanaşmasını göstərməsin. Əgər, Ölkə Başçısının Xanımı olaraq,  və Birinci vitse-prezident olaraq xalqına edə biləcəyi dəstəyi düşünsək, Mehriban Xanım bu dəstək və öhdəlikləri çoxdan tamamlayıb. Statistik göstəriciləri nəzərə alsaq, hələ eləbil Ölkə başçısının Xanımı yoxdur ki bu qədər xalqa yaxın olsun. Foto yaddaşda yer almaq başqa, burada ən əsas göstərici Xalqın, vətəndaşlarının yaddaşında yer almaqdır. Azərbaycan mədəniyyəti dünyaya çatdırılmasında mühüm addımlar atan Mehriban Xanımın gördüyü işlərin hər birində təbliğatın ən estetik təstiqi yer alır. 1995-ci ildə Mehriban Əliyevanın təşəbbüsü ilə Azərbaycan Mədəniyyətinin Dostları Fondu təsis olunub. 1996-cı ildə Mehriban Əliyeva Azərbaycan mədəniyyətinin geniş təbliğ olunması məqsədilə üç dildə (Azərbaycan, ingilis və rus) çap olunan “Azərbaycan - İrs” jurnalını təsis edib. 2004-cü il 10 may tarixindən Heydər Əliyev Fondunun prezidentidir. 2004-cü il dekabrın 28-də Mehriban Əliyeva Azərbaycan Respublikası Milli Olimpiya Komitəsinin IV Baş Məclisində MOK-un icraiyyə Komitəsinə üzv, 2013-cü il iyunun 7-də Yeni Azərbaycan Partiyasının Sədr müavini vəzifəsinə seçilib. 2017-ci il fevralın 21-də  Azərbaycan Respublikası Prezidenti ilham Əliyev Mehriban xanım Əliyevanın Azərbaycan Respublikasının Birinci vitse-prezidenti təyin edilməsi haqqında Sərəncam imzalayıb. Bu Sərəncam Mehriban xanım Əliyevanın ictimai-siyasi fəaliyyətinə verilən qiymət, Ona göstərilən daha böyük bir etimad idi. Bütün bunlar əbəs yerə deyil,  həm də sosial-iqtisadi inkişafı,  həm mədəniyyəti sahəsinin inkişafına dəstək, həm idman sahəsində əməkdaşlıq imkanlarının genişləndirilməsində Ölkə başçımızla birlikdə çiyin-çiyinə xalqına xidmət etməkdən ibarətdir Mehriban Xanımın. Sağlamlıq imkanları məhdud uşaqların reabilitasiyası sahəsində, sağlamlığın qorunması, əlilliyi olan şəxslərin sosial müdafiəsi və onların yaşayış səviyyəsinin yüksəldilməsində göstərilən dəstək də gözdən yayınmır. Vətən və torpaq uğrunda canından keçən, şəhid olan, yaralanan insanları Azərbaycan dövləti hər zaman diqqətə saxlayır. döyüşlərdə yaralanmış əsgər və zabitlərin yüksək texnologiyalı protezlərlə təmin edilməsi” layihəsini də əbəs yerə deyil. Mehriban Xanımın bildirir di “Siz Vətən uğrunda vuruşursunuz. Siz yaralanmısınız, xəsarət almısınız. Azərbaycan dövləti və Azərbaycan xalqı üçün hər bir əsgər əzizdir, dəyərlidir. Sizin tezliklə normal həyata qayıtmağınız üçün Azərbaycan dövləti bütün lazımi addımları atmağa hazırdır”. Azərbaycan Respublikasının Birinci vitse-prezidenti və Heydər Əliyev Fondu tərəfindən aprel döyüşlərində yaralanmış bir qrup hərbi qulluqçulara protezlərin təqdim edilməsi dövlət rəhbərliyinin silahlı qüvvələrin şəxsi heyətinə göstərdiyi diqqət və qayğının daha bir nümunəsidir. Tolerant ölkə Tolerant Azərbaycan nədir bəs tolerantlıq? Heydər Əliyev Fondu Tolerantlığın ünvanı - Azərbaycan” layihəsini həyata keçirib.  “Azərbaycan - tolerantlıq ünvanı” layihəsi çərçivəsində Bakıda Pir Həsən ziyarətgahı, “Müqəddəs Məryəm - Mövlud” pravoslav kilsəsi və Müqəddəs Mirodaşıyan Qadınlar Kafedral Kilsəsi, Şamaxıda Cümə məscidi və Gəncədə “Həzrəti Zeynəb” məscidindən tutmuş Fransanın müxtəlif bölgələrində kilsələrin, Strasburqda XIV əsr Kafedral Kilsəsinin vitrajlarının bərpasına, habelə, Həştərxanda Knyaz Vladimirə abidə ucaldılmasına qədər müxtəlif dini obyektlərdə bərpa işləri aparılıb. Beynəlxalq Birlik Mehriban Əliyevanın təşəbbüsü ilə Müqəddəs Roma katakombalarının bərpa olunmasını xristian aləminin müqəddəs abidələrinin qorunub-saxlanılmasını müsəlman dünyasının töhfəsi kimi qəbul edir. Bütün dinləyə hörmət hər bir Azərbaycan vətəndaşı üçün qəbul ediləndir. Mehriban Xanım öz xalqının vətəndaşlarına və eyni zamanda dünyaya böyük bir mesaj verməkdədir. O mesaj ki, Dinlər xidmət etdikləri Yaradana xatirdir, O Yaradan da bütün Müqəddəs kitablarında insanların bir-birlərinə sevgi bağı ilə bağlandığını, bir-birlərinə qarşılıq gözləmədən xeyirxahlıq etmələrini buyurub. Bütün bunları dərindən anlayan və bütün dinlərə hörmət edən Mehriban Xanım öz ölkəsində də tolerantlıq anlayışını aşılayıb. Mehriban xanım Əliyeva tarixin miqyaslı tədbirlərinin diplomatı olub. Ölkəmizi Şərqin qədim mədəniyyətinin əsas mərkəzlərindən biri kimi tanıtmaq, musiqimizdən tutmuş idmana qədər bütün sahələrdə ənənələrimizi sevdirmək onun beynəlxalq miqyasdakı fəaliyyətinə xüsusi milli məna və çəki verib. Onun gördüyü işlər bəhrəli və nəticəlidir.  Mehriban Əliyevanın rəhbərlik etdiyi Heydər Əliyev Fondunun təşəbbüsü ilə təhsillə bağlı bir çox irimiqyaslı layihə və proqramlar uğurla həyata keçirilir. Onların arasında “Yeniləşən Azərbaycana yeni məktəb” öz əhatə dairəsinin  genişliyinə  görə  ən diqqətçəkən layihələrdəndir. Ən əhəmiyyətlisi odur ki, öz coğrafiyasına görə bütün ölkəni əhatə edən  bu layihə çərçivəsində on illərlə təmir edilməmiş, tam yararsız və qəza vəziyyətində olan, təlim-tərbiyə üçün heç bir şəraiti olmayan məktəblərin yerində çoxlu sayda müasir standartlara uyğun yeni binalar, həmçinin internat məktəbi, uşaq bağçası və körpələr evi  inşa edilmiş, təmir olunmuşdur. Bu müəssisələr ən müasir  avadanlıqlarla təchiz olunaraq  şagirdlərin, balacaların istifadəsinə verilmişdir. Ölkəmizdə təhsil sistemini modernləşdirmək və dünya təhsil sisteminə inteqrasiyasını təmin etmək Mehriban Əliyevanın birbaşa  təşəbbüsü  ilə həyata keçirilən genişmiqyaslı proqram və layihələrin əsas hədəflərindəndir. Təsadüfi deyildir ki, Mehriban Əliyeva Azərbaycanın Birinci vitse-prezidenti kimi təqdimatında bu prinsipləri  xüsusi diqqətə çatdırmışdır: “Gündəlik fəaliyyətimizdə insansevərlik, mərhəmət, qarşılıqlı hörmət, mehribançılıq unudulmamalıdır. Əksinə, məhz bu mənəvi dəyərləri uca tutaraq ən yüksək qələbələr əldə etmək, ən böyük zirvələrə qalxmaq olar”. Siz zirvədən,  zirvəyə yüksəltdiyiniz xalqınızla birlikdə yüksəlmisiniz. Hər bir addımını vətəndaşını düşünərək addım atan Xanım Mehribanımız var bizim. Bu xöşbəxtlik hərkəsə nəsib olmur ki, xalq sevdiyini seçsin. Sizi həm də seçilən edən, "mənim" düşüncəsinin kökündə " mənim xalqım " düşüncə və prinsipləri dayanır. Ömrünüzün xeyirxahlıq baharının yeni çiçəklənən mərhələsinə qədəm basırsınız Mehriban Xanım. Sizi doğum gününüz münasibətilə ürəkdən təbrik edirik. Sizə uzun ömür, can sağlığı, arzu edirik. Bizim Birinci vitse-prezidentimiz, bizim bir inci Xanımımız.