“Qalib xalqın qürur günü” - Masallıda tədbir
Masallıda 8 Noyabr – Zəfər Gününə həsr olunmuş “Qalib xalqın qürur günü” adlı tədbir təşkil olunub.
Tədbir Masallı Dövlət Regional Kolleci və Masallı Rayon Heydər Əliyev Mərkəzinin birgə təşkilatçılığı, Masallı Rayon Tarix-Diyarşünaslıq Muzeyinin və Elm və Təhsil İşçiləri Həmkarlar İttifaqı Masallı Rayon Komitəsinin tərəfdaşlığı ilə keçirilib.
Əvvəlcə tədbir iştirakçıları – şəhid valideynləri, təşkilatçı qurumların əməkdaşları, tələbələr, rayon ağsaqqalları, eləcə də idarə və müəssisə rəhbərləri “Qəhrəmanlar parkı”nda yerləşən “Şəhidlər abidə-kompleksi”ni ziyarət edərək şəhidlərin xatirəsini ehtiramla yad ediblər.
Daha sonra Heydər Əliyev Mərkəzində davam edən tədbir Ulu öndər Heydər Əliyevin və Azərbaycanın suverenliyi, ərazi bütövlüyü uğrunda canlarından keçmiş şəhidlərin əziz xatirəsinin bir dəqiqəlik sükutla yad edilməsi və Dövlət Himninin səsləndirilməsi ilə başlayıb.
Tədbirdə Masallı Dövlət Regional Kollecinin direktoru, filologiya üzrə fəlsəfə doktoru Rövşən Qurbanov, Masallı Rayon İcra Hakimiyyəti Başçısı Aparatının İctimai-siyasi və humanitar məsələlər sektorunun baş məsləhətçisi Nuranə Muradova, Aprel döyüşlərinin şəhidi Nurlan Əsgərlinin və Vətən Müharibəsi Qəhrəmanı İntiqam Əsgərlinin anası Ziba Əsgərova, Masallı Rayon Heydər Əliyev Mərkəzinin direktoru Dilbər İbayeva, Elm və Təhsil İşçiləri Həmkarlar İttifaqı Masallı Rayon Komitəsinin sədri Rasim Nurullayev, “Qarabağ” və III dərəcəli “Rəşadət” ordenli, ehtiyatda olan hərbçi, müəllim Nazim Cəfərzadə çıxış ediblər.
Çıxışlarda 44 günlük Vətən müharibəsində Azərbaycan Ordusunun qazandığı tarixi Qələbənin əhəmiyyətindən bəhs olunub. Qeyd edilib ki, möhtəşəm Zəfər xalqımızın milli birliyinin, sarsılmaz iradəsinin, qəhrəmanlıq ruhunun və Müzəffər Ali Baş Komandan İlham Əliyevin qətiyyətli rəhbərliyinin təntənəsidir.
Natiqlər, həmçinin şəhidlərin əziz xatirəsinin daim ehtiramla yad edilməsinin, qazilərin qəhrəmanlığının unudulmamasının hər bir vətəndaşın mənəvi borcu olduğunu vurğulayıblar.
Tədbirin sonunda Masallı Dövlət Regional Kollecinin tələbələrinin iştirakı ilə “Qalib xalqın qürur günü” adlı ədəbi-bədii kompozisiya təqdim edilib.
Akif AĞAYEV
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.