Etibar Hüseynov: 

Mirşahin sabiq prezident haqqında: "Elçibəy DEMOKRAT olmayıb!" 

Təsadüfən qarşıma Mirşahinin Müsavat TV-də Sevinc Telman Qızına verdiyi müsahibədən bir parça çıxdı. Söhbət əsnasında Mirşahin, Əbülfəz Elçibəyin demokrat olmadığını deyir, və fikrini əsaslandırmaq üçün də söyləyir ki bəs: " ANS-i ən uzun müddətə elə Elçibəy bağlatmışdı. Və mən də ona görə aclığ elan eləmişdim". Mirşahinin bu fikirlərinə inanmayan çox sayda oxucu isə kommentlərdə Cəlal Əliyevə rəhmət yazıb.

***

Amma Mirşahin düzünü deyir. Həqiqətən də Cəbhə hakimiyyəti o vaxt ANS-i bağlamışdı. (Çox güman ki, artıq Gəncədə nələrinsə baş verəcəyindən duyuq düşmüşdülər. ANS isə efirə demək olar ki, senzurasız çıxırdı). Və ANS-in rəhbərliyi də bu bağlanışa etiraz əlaməti olaraq mətbuat konfransı keçirirdi. Mətbuat konfransının aparıcısı isə o vaxt Mirşahinin xahişi ilə mən olmuşdum. (onda 23 yaşım vardı).

***

Orası da yaxşı yadımdadır ki, doğrudan da MK sonunda jurnalist Afaq Quliyeva ayağa qalxıb kövrək səslə "mən də aclıq aksiyasına qoşuluram" dedi. Mən isə bildirdim ki, "Ehtiyac yoxdu. Lazım gələrsə xanımlardan əvvəl biz kişilər qoşulacaylq". Bunu söyləyib tədbiri bitirdim.

***

İş elə gətirdi ki, məhz həmin günün səhərisi "Gəncə hadisələri" baş verdi. Və orası da dəqiq yadımdadır ki, bir gün sonra Mirşahin o vaxtkı sədr Məmməd İsmayılın otağına girmiş və kabinetindəki bayrağı götürüb aparmışdı. ( O vaxt M.İsmayıl hamıdan qabaq vəzifəsini "dondurub" iş yerini tərk etmişdi). Əli bayraqlı Mirşahinin gülən yerdə çəkilən fotosu da o vaxtkı qəzetlərdə dərc edilmişdi. Bax belə.

***

Allah Surətin öyün yıxsın. O vaxt bircə həftə yubansaydı indi camaat akademikə deyil, Surətin dədəsinə rəhmət oxuyacaqdı.

***

Miri bir həftədən çox tab gətirməzdi yəqin ki...