Mir Şahin Ağayev: 

… ZAMANI MƏKANLA ÖLÇMƏK!

REAL TV-də Prezident İlham Əliyev və birinci xanım Mehriban Əliyevanın Ağdama səfərini əks etdirən kadrlara baxıram. Meyarı dəyişərək zamanı məkanla ölçməyə cəhd edirəm: uşaq bağçasından Əsgəran qalasınadək! Riyazi olaraq dörd il üç ay, mənəvi baxımdan 100 ildən artıq! Çox yüksəkdir! Dəniz səviyyəsi ilə deyil, Ruh yüksəkliyi ilə ölçülə bilən yüksəklik. Pənahəli xanın yıxılmış Qarabağının yerində İlham Əliyevin ucaltdığı Qarabağ! Daş-daş, kərpic-kərpic ucaltdığı Qarabağ!Ağdamdan-bu nöqtədən milli vüqarımız nə qədər uca, bu günlərlə barışa bilməyən dövlətlərlə bərabər onların qucağında oturub üzü Azərbaycana ulaşan Sevinc Osmanqızı, Tural Sadıqlı, Qənimət Zahid, Əli Kərimli, Rəhim Qazıyev, Leyla-Arif Yunus, Arif Şahmarlı, Məhəmməd Mirzəli və s. kimi tullantılar, xarici xüsusi xidmət orqanlarının ov ardınca qovduqları TULAntılar isə nə qədər alçaq görünür! Onların Azərbaycana qarşı etdikləri vətənlərinin, analarının süd vəzilərini xəncərlə oymağa bərabərdir. “Tariximizin mübarək yerindən özünü məhrum edən, vətənə sədaqəti vətənə xəyanətə çoxdan dəyişmiş haramzadalar axı niyə cəzalarına çatmır?” deyə düşünürəm. Amma o saat da sualıma özüm cavab tapıram ki, bu xainlərin, milli satqınların bəlkə də ən böyük cəzası məhz belə olmalıdır: məsələn, əzəmətli Əsgəran qalasının necə bərpa edildiyini görmək! Azad edilmiş ərazilərimizin bu gününü onlara göstərmək! Torpaqlarımızın işğaldan azad edilməsi elə onların azadlıqdan məhrum edilməsidir ki var!

p.s. Eyni gündə Arayik Harutunyan, Bako Saakyan, Arkadi Qukasyan, Ruben Vardanyan və s. müttəhimlər Azərbaycan qanununun ayağına qalxmışdılar: Məhkəmə gəlir!-çağırışı ilə!

* * *

Lalə Məmmədova

Sizin qələminizdən tökülən hər damla mürəkkəb bir dünyadır,əhsən!

Azer Hasret

Hə, Ustad, gözəl bənzətmə - təsbitdir. Düşmən çatlasın, dost sevinsin.

Arif Məmmədov

Cavad xandan üzü bəri bütün şəhidlərimizin ruhunu şad edən dövlət başçısı sevginin, dəyərin zirvəsində olacaq hər zaman! Allah qorusun! Amin!

Aybeniz Kəlbi 

Sizin sayənizdə biz tarixi unutmuruq, təkrarlayırıq. Çox acıdır ki, vətəninin inkişafını görüb əzab çəkmək, vətənə xəyanət edənlərin ən böyük cəzası elə budur..

Elnur Məhəmmədli

Çox dəyərli və düşündürücü analiz! Qarabağın dirçəlişi və inkişafı yalnız fiziki bərpa deyil, həm də milli ruhumuzun və qürurumuzun yüksəlişidir. Tarixi ədalətin bərqərar olması, xalqımızın iradəsinin və dövlətimizin gücünün dünyaya nümayişi qürurverici hadisədir. Təəssüf ki, hər zaman milli maraqlara uyğun olmayan mövqelər sərgiləyənlər olub və olacaq. Ancaq tarixi həqiqətlər dəyişməzdir: Azərbaycan xalqı öz torpaqlarının azadlığı uğrunda mübarizəsini birlik və əzmkarlıqla davam etdirir. Bu gün baş verənlər gələcək nəsillərə böyük dərs və örnək olacaq. Sizin kimi vətənpərvər və prinsipial mövqe sərgiləyən qələm sahiblərinin fikirləri cəmiyyətimiz üçün çox önəmlidir. Təşəkkür edirəm, çox gözəl və yerində ifadə olunmuş fikirlərdir!

QEYD. Başlıqlar "Facebook" sosial şəbəkəsindəki başlıqla eynilik təşkil edir.