"Abşeron" və NTD kubok yarışına qələbəylə başlayıb 

Bu gün kişi basketol klubları arasında Azərbaycan Kuboku uqrunda yarışlara 1/8 finaldan start verilib. Turnirin ilk günü iki görüş keçirilib. Əvvəlcə Lənkəranda yerli "Lənkəran" klubu ilə NTD (Xaçmaz) qarşılaşıb. OİK-də baş tutan oyunda qonaq komanda qalib gəlib - 73:87 (11:24, 21:20, 23:20, 18:23).Matçın ən yaxşı oyunçusu adına isə 22 xalla qalib komandanın heyətində fərqlənən Əkbər Məmmədov olub. NTD turnirin 1/4 finalında "Şəki" klubu ilə üzləşəcək.

Günün ikinci matçı isə Xırdalandakı "Abşeron" Olimpiya İdman Kompleksində yerli"Abşeron"la Qubanın eyni adlı klubu arasında baş tutub. Oyun meydan sahibinin minimal hesablı qələbəsi ilə başa çatıb - 96:94 (21:16, 26:21, 15:23, 9:11, 25:23). Bu qələbə sayəsində 1/4 finala yüksələn "Abşeron" yarımfinala çıxmaq üçün "Naxçıvan"la oyunda da qalib gəlməyə çalışacaq.

Turnirdə 1/8 final mərhələsinin daha iki oyunu yanvarın 29-da baş tutacaq. Həmin gün Gəncədəki OİK-də yerli "Gəncə " ilə "Ordu" klubu qarşılaşacaq (saat 14:00). Cütün qalibi 1/8 finalda "Sərhədçi"yə rəqib olacaq.

Yanvarın 29-da 1/8 final çərçivəsində son oyun Sumqayıtdakı OİK- də yerli "Sumqayıt"la "Neftçi" arasinda olacaq (saat 14:00). Cütün qalibi isə 1/4 finalda Azərbaycan çempionu adını daşıyan "Sabah"la üzləşəcək.

İNTİQAM Məmmədov