Fransalı "bacılar" Bakıda "Köhlən atları" istədikləri kimi "çapıblar"

Dünən futbol üzrə UEFA Avropa liqasının əsas mərhələsi çərçivəsində sayca 5-ci turun oyunları keçirilib. Sözügedən turnirdə ölkəmizi təmsil edən "Qarabağ" futbol klubu doqma divarlar arasında Fransanın "Lion" klubunu qəbul edib. Tofiq Bəhramov adına respublika stadionunda baş tutan və taleyi serbiyalı referi Nenad Minskobicə tapşırılan oyun qonaq komandanın böyük hesablı qələbəsi ilə başa çatıb -  1:4. Sözün əsl mənasında fransalı "bacılar" Bakidaca "Köhlən atları" istədikləri kimi çapıblar.

Qeyd edək ki, "Lion"un vurduğu 4 qoldan sonra "Qarabağ" yalnız bir təsəlli qolu vura bilib (penaltı, özü də qapı dirəyinə deyəndən sonra). Yeganə qolun müəllifi isə Avropa Liqasının bu mərhələ yarısında özünü heç curə göstərə bilməyən braziliyalı Juninyo vurub (88-ci dəqiqə). "Bacılar" komandasına gəlincə, gürcüstanlı legioner Jorj Mikaytadze 15-ci dəqiqədə hesabı açıb (1:0), 80-ci dəqiqədə isə dubl edərək hesabı 0:4-ə çatdırıb. Matçın 63-cu dəqiqəsində Korenton Tolisso matçda ikinci (0:2), 68-ci dəqiqədə isə Malik Fofana üçüncü (0:3) qolu vurub. 

Bu məqlubiyyətdən sonra"Qarabağ" 36 komandanın yer aldığı yarış cədvəlində 29-cu pillədən 32-ci yerə yuvarlanıb. "Lion' isə aktivindəki xalların sayını 10-a çatdırmaqla 6-ci pilləyə yüksəlib. Reqlamentə gorə 8 turdan sonra ilk 8 yeri tutan komanda mübarizəni birbaşa 1/8 finaldan davam etdirəcək. 9-16 və 17-24-cu yerlərin sahibləri isə pley-offda qarşılaşacaqlar. 

"Qarabağ" növbəti oyununu dekabrın 12-də 6-ci tur çərçivəsində səfərdə "Elfsborq"a qarşı keçirəcək. 

Hazırda hərəyə 13 xal toplayan "Latsio", "Atletik" və "Ayntraxt F" ilk üç yeri bölüşür. Hərəyə 11 xalı olan "Qalatasaray" və "Anderlext" isə müvafiq olaraq 4-5-ci yerleri tutur.

İNTİQAM Məmmədov