Şahmat

---------------------------

Şahmatçılarımız ilin son yarısında iştirak edəcəklər

Teymur Rəcəbov da DÇ-da iştirak edəcək

Sabah Səmərqənddə (Özbəkistan) kişi və qadınlar arasında şahmatin rapid və blits növü üzrə növbəti dünya çempionatına start veriləcək. Qeyd edək ki, mükafat fondu 1 milyon dollar təşkil edən və Azərbaycan şahmatçılarının da qatılacağı bu mundiala dekabrın 30-da yekun vurulacaq. Reqlamentə görə, kişilər arasında ilk üç yeri tutan şahmatçılar müvafiq olaraq, 60, 50 və 40 min, qadınların yarışında 1-3-cü yerləri tutanlar  isə 40, 30 və 20 min dollar mükafat qazanacaqlar. Bununla yanaşı, kişilərdə ilk 35, qadınlarda isə 15 yeri tutanlar da təşkilat komitəsi tərəfindən mükafatlandırılacaqlar. 

Əvvəlcədən məlumat verdiyimiz kimi, Azərbaycanı bu yarışda böyük heyətlə təmsil olunacaq. Mundialın startına bir gün qalmış Azərbaycan şahmatının liderlərindən biri olan Teymur Rəcəbov da adını iştirakçılar sırasına yazdırıb. Onunla yanaşı, mundialda Azərbaycanı kişilər arasında Şəhriyar Məmmədyarov, Rauf Məmmədov, Qədir Hüseynov, Aydın Süleymanli, Məhəmməd Muradlı və Kənan Qarayev, qadınlardansa Günay Məmmədzadə, Gülnar Məmmədova, Ülviyyə Fətəliyeva, Govhər Beydullayeva, Xanım Balacayeva, Aydan Allahverdiyeva, Ləman Hacıyeva, Türkan Məmmədyarova və Xəyalə Abdulla təmsil edəcək.

İNTİQAM Məmmədov