"Klassiklərimiz" Tiranada dünya birincisi olublar

Albaniyanın paytaxtı Tiranada idman güləşinin hər üç növü üzrə keçirilən və Azərbaycan yığmalarının da iştirak etdiyi dünya çempionatında yunan-Romaçıların ("klassiklər") yarışı başa çatıb. Qeyd edək ki, mundiala cəmi 4 güləşçi (qeyri Olimpiya çəkilər üzrə) ilə qatılan Azərbaycan yığması çıxışını 3 qızıl medalla başa vurmaqla tarixində ilk dəfə komanda hesabında birinci olub. Maraqlıdır ki, 3 qızıl və 85 xal toplayan Azərbaycanın yunan-Roma güləşi üzrə yığması ən yaxın izləyicisi olan İran millisini 34 xal geridə qoyub. Medalları komandamızın aktivinə dördqat dünya çempionu Eldəniz Əzizli (55 kq), Nihat Məmmədli (63 kq) və Ülvi Qənizadə (72 kq) yazdırıb. Təəssüflər olsun ki, komandamızın daha bir üzvü Qurban Qurbanovsa (82 kq) bürünc medal uğrunda görüşdə türkiyli rəqibinə uduzaraq, çıxışını medalın bir addımlığında başa vurub. 

Bu gün isə iki qadın təmsilçimiz Alena Kolesnik (59 kq) və Elis Manolova (65 kq) təsəlliverici görüşlərə qatılmaqla bürünc medal uğrunda mübarizə aparacaq. 

Dah 4 sərbst güləşçimiz isə bu gün mübarizəyə qatılacaq. Bu dördlükdə Nurəddin Novruzov (61 kq), Kənan Heybətov (70 kq), Orxan Abbasov (79 kq) və Abubəkr Abakarov (92 kq) yer alıb. 

İNTİQAM Məmmədov