Voleybol

--------------------

Qadın və kişi voleybol yığmalarımız Qızıl Avropa Liqasında oynayacaq

Avropa Voleybol Konfederasiyası (ÇEV) yeni qaydalar çərçivəsində 2024-cu ildə keçiriləcək Qızıl və Gümüş Avropa Liqasında iştirak edəcək komandaları müəyyənləşdirib. Qaydalara əsasən reytinq göstəriciləri yuxarı olan 12 yiqma komanda Qızıl Avropa Liqasında, reytinqi zəif olanlar isə Gümüş Avropa Liqasında mübarizə aparacaq. 

Azərbaycan Voleybol Federasiyasından verilən məlumata görə, həm qadın (reytinqdə 20-ci pillə), həm də kişi yiqmamiz (26-ci pillə) Qızıl Avropa Liqasında oynayacaq. Artıq hər iki komandamızın rəqibləri də müəyyənləşib. Qadın komandamız Belçika, Çexiya, Slovakiya, Sloveniya, Ukrayna, İsveç, İspaniya, Rumıniya, Xorvatiya, Avstriya və Estoniya millisi ilə mübarizə aparacaq. 

Kişi millimiz isə Ukrayna, Belçika, Portuqaliya, Çexiya, Rumıniya, Finlandiya, Xorvatiya, İspaniya, Makedoniya, Estoniya və Lüksemburq yığması ilə qarşılaşacaq. 

Reqlamentə görə həm kişilərin, həm də qadınların turnirində ilk dörd yeri tutan komanda "dördlər finalı"a yüksələcək. Qadınların "4-lər final"ı Çexiyada keçiriləcək. Kişilərin "dördlər final"inin ev sahibi hələlik bəlli deyil.

İNTİQAM Məmmədov