İtalyanların avtoqolu ispanları pley-offa çıxardı

Almaniyada futbol üzrə keçirilən Avropa çempionatında dünən daha bir maraqlı oyun keçirildi. B qrupunda yer alan İspaniya və İtaliya yığması qarşılaşdı. Qelzenkirxen şəhərindəki "Veltins Arena"da baş tutan və finala bərabər olan həmin oyun ispanların minimal hesablı qələbəsi ilə başa çatdı - 1:0. Yeganə qolun müəllifi isə matçın 55-ci dəqiqəsində İtaliya yığmasının müdafiəçisi Rikardo Kaliforniya oldu (avtoqolu). İtaliyalı qolkiper Canluici Donnarumanin qaytardığı top Kalaforiyə deyərək qapı toruna düşdü. Oyunda bundan başqa qol vurulmadı. Əlbəttə ki, italiyalı qolkiper Donnarumanin gözəl seyvləri "skuadra adzurra"ni bir neçə dəfə qoldan xilas etdi. İlk 45 dəqiqə demək olar ki, ancaq "qırmızı furiya"larin üstünlüyü ilə keçdi. Ən çox diqqət çəkən isə ispaniyalı vinqer Niko Yamal oldu. Fərdi oyuna daha çox üstünlük verilən Yamal bir neçə dəfə İtaliyanın müdafiə xəttini yara bildi. 

Beləliklə, qarşılaşma bu hesabla bitincə, İspaniya millisi iki oyunda topladığı 6 xalla adını çempionatın pley-offuna yazdırdı.

Hazırda B qrupunda vəziyyət belədir:

İspaniya 6 xal (2 oyun), İtaliya 3 xal (2), Albaniya 1 xal (2), Xorvatiya 1 xal (2).

İNTİQAM Məmmədov