BADMİNTON 

-------------------

Yığmamız AÇ-nın təsnifat mərhələsinə qələbəylə başlayıb 

Çex Respublikasının paytaxtı Praqada Azərbaycan yığması da daxil olmaqla kişi badmintonçular arasında Avropa Çempionatının təsnifat mərhələsinin oyunları keçirilir.

Azərbaycan Badminton Federasiyasından verilən məlumata görə, milli komandamız qrupda ilk oyununu Norveç yığmasına qarşı keçirib. Heyətində Edi Reski Dviçayo, Muhammad Kadafi, Aqil Qəbilov, Diki Pangestu və Rəvan Niftəliyevin cəmləşdiyi Azərbaycan yığması Norveç millisini 4:1 hesabla məğlub edib.

Qeyd edək ki, Azərbaycan yığması turnirdə növbəti görüşünü sabah İrlandiya millisinə qarşı keçirəcək. Yeri gəlmişkən, İrlandiya ilk turda Norveçi 3:2 hesabı ilə məğlub edib. Sabah keçiriləcək Azərbaycan - İrlandiya matçı qrup liderini müəyyənləşdirəcək. Oyun sabah Bakı vaxtı ilə saat 13:00-da başlayacaq.

Avropa Çempionatının təsnifat mərhələsi Parisdə keçiriləcək Yay Olimpiya Oyunlarına lisenziya xalları verir.

Bir məqamı da qeyd edək ki, sabahkı oyunda yığmamız qalib gəldiyi təqdirdə AÇ-nın növbəti mərhələsində mübarizə aparmaq hüququ qazanacaq və orada Çexiya, Portuqaliya və Avstriya millisi ilə davam etdirəcək. Həmin dördlüyün qalibi isə Avro-2024-ün 14-18 fevral günlərində Polşada keçiriləcək final mərhələsinə vəsiqə qazanacaq.

İNTİQAM Məmmədov