GÜLƏŞ

----------------

Güləşçilərimiz DÇ-nın son günündə daha 3 medal qazanıblar

Noyabrın 27-də Bakıdakı "Sərhədçi" İdman Kompleksində startı verilən hərbiçilərin güləş üzrə 36-cı çempionatına bu gün yunan-Romaçıların daha 5 çəki dərəcəsindəki çixışları ilə yekun vurulub. Mundiala ev sahibliyi edən Azərbaycan son gündə beş çəkinin hamısında təmsil olunub. 60 kq-da Nihad Quluzadə, 67 kq-da Həsən Məmmədli, 7 kq-da Qurban Qurbanov, 87 kq-da Laçın Vəliyev, 130 kq-da isə Sərxan Məmmədov ölkəmizi təmsil edib. Bu beşliyimizdən 3-ü uğurla çıxış edərək mükafatçılar sırasında yer almaqla fəxri kürsüyə qalxıb. Son gün güləşçilərimiz bir dəst (1-1-1) medal qazanıblar. Qızıl medalı bütün görüşlərini qələbə ilə başa vuran Nihad Quluzadə qazanıb. Yalnız həlledici finalda büdrəyən Laçın Vəliyev ikinci yeri tutmaqla gümüş medalla kifayətlənib. Günün bürünc medalı isə Qurban Qurbanovun payına düşüb. 

Büləlikl də, Azərbaycanın yunan-Roma güləşi üzrə komandası mundialı 8 (4-1-3) medalla başa vurub. Bu nəticə komandamıza İrandan sonra ikinci yeri tutmaq imkanı verib. 

Ümumilikdə isə Azərbaycan ev sahibliyi etdiyi bu dünya çempionatında 26 idmançı ilə təmsil olundu və 21 (11-3-7) medal qazandı. 

İNTİQAM Məmmədov