Ölkə kubokunda "Sərhədçi" "Sabah"ı məğlub edib

Dünən B qrupunda keçirilən daha iki oyunla kişi basketol klublarınin mubarizə apardığı Azərbaycan Kubokunun qrup mərhələsində dördüncü tura yekun vurulub. Günün və turun ən diqqət çəkən və gözlənilməz nəticə ilə bitən oyunu ölkə çempionu və hazırkı müntəzəm çempionata liderlik edən "Sabah"la çempionatının ortabablardan sayılan "Sərhədçi" arasında olub. Qarşılaşma "Sərhədçi"nin qələbəsi ilə bitib - 82:87 (31:30, 19:23, 21:17, 11:17). Bu qələbədən sonra "Sərhədçi" B qrupunda liderliyi ələ alıb. Oyunun ən yaxşısı isə 21 xalla fərqlənən Leon Qilmar ("Sərhədçi") seçilib.

Turun son oyununda nominal ev sahibi olan "Gəncə" Xaçmaz;n "NTD-İndiqo"sunu qəbul edib. Görüş ikincinin qələbəsi ilə bitib - 75:98 (16:26, 20:26, 18:22, 21:24). Bu oyunda isə 22 xal və 11 podborla qalıb komandanın üzvü Əkbər Məmmədov fərqlənib.

B qrupunda vəziyyət belədir:

Sərhədçi - 7 xal (4 oyun), NTD-İndiqo - 6 (3), Sabah - 5 (3), Şəki, Gəncə - hərəyə 3 (3).

Bir gün öncə A qrupunda keçirilən oyunların nəticələri belə olub:

"Neftçi"-"Cəlilabad"-82:71;

"Xırdalan"-"Xəzri"-64:75.

A qrupunda vəziyyət belədir:

Xəzri, Neftçi - hərəyə 6 xal (3 oyun), Cəlilabad - 5 (4), Xırdalan - 4(3), Sumqayıt - 3(3).

Qeyd: Reqlamentə görə, dairəvi sistem üzrə keçirilən qrup oyunlarından sonra hər iki qrupda ilk 2 yeri tutan komanda mübarizəni 1/2 finaldan davam edəcək.

İNTİQAM Məmmədov