Qadın voleybol millimiz bu gün AÇ-da Belçika ilə qarşılaşacaq

Avqustun 21-də Azərbaycan da daxil olmaqla, 4 ölkədə qadın voleybolçular arasında startı verilən və sayca 34-cü olan Avropa çempionatı (CEV Trendyol EuroVelloy 2026  Women) davam edir. Xatırladaq ki, çempionatın "C" qrupunun oyunları Bakıdakı Milli Gimnastika Arenasında keçirilir. Bu qrupda ev sahibi Azərbaycanla yanaşı, Belçika, Hollandiya, Rumıniya, İspaniya və Portuqaliya millisi mübarizə aparır. Artıq yarışda ilk üç tur geridə alıb. Qeyd edək ki, hər üç turu qələbə ilə başa vuran və liderlər qrupunda yer alan Azərbaycan millisi bu gün startı veriləcək hesabat turu çərçivəsində Belçika yığması ilə qarşılaşacaq. Yeri gəlmişkən, Belçika 8 xalla qrupda birinci, Azərbaycan isə eyni xalla üçüncü pillədə yer alıb. Oyun saat 18:30-da  başlanacaq. Bu gün saat 15:30-da isə qrupun autsayderləri olan İspaniya ilə Portuqaliya üzləşəcək.

Xatırladaq ki, Azərbaycan startda Portuqaliyanı 3:1, ardından İspaniyanı 3:0, üçüncü turda isə Rumıniyanı 3:2 hesabla udub. Millimiz qrupda son  matçını avqustun 28-də Hollandiya komandasına qarşı keçirəcək (saat 18:30).

Geridə qalan 3 turdan sonra komandaların turnir vəziyyəti belədir:

Belçika, Hollandiya, Azərbaycan - hərəyə 8 xal, Rumıniya - 2 xal, İspaniya - 1 xal, Portuqaliya - 0 xal.

Qeyd: Reqlamentə görə, qruplarda  (4 qrupda) ilk 4 yeri tutan komandalar növbəti mərhələyə yüksələvəklər.

Çempionata sentyabrın 6-da Türkiyədə baş tutacaq həlledici final görüşü ilə yekun vurulacaq.

İNTİQAM Məmmədov