İspaniya millisi DÇ-2026-nın ilk finalçısıdır

Futbol üzrə 23-cü dünya çempionatı artıq finişə yaxınlaşır. Qeyd edək ki, 48 ölkə yığmasının iştirakı ilə iyunun 11-də ABŞ, Kanada və Meksikada startı verilən mundialda dünən gecə saatlarında ilk yarımfinal oyunu keçirilib. ABŞ-nin Arlinqton şəhərindəki "Ey-Ti-end-Tu Stadium " Arenada baş tutan oyunda mundialın favoritlərindən sayılan İspaniya ("qırmızı furye ") və Fransa ("xoruzlar") komandası qarşılaşıb. Bu onların arasında baş tutan 39-cu matç olub. Salvadorlu hakim İvan Arsides Bartomun idarə etdiyi və 92.867 azarkeşin birbaşa arenada canlı izlədiyi oyun "qırmızı furye"nin 2:0 hesablı qələbəsi ilə bitib. Bununla da İspaniya millisi Fransa üzərindəki qələbənin sayını 19-a çatdırıb (19-7-13). Fransa ilə oyunlarda öz qapısından ümumilikdə 44 qol buraxan İspaniya vurduğu qolların sayını 73-ə çatdırmaqla bir qədər də artırıb.

Bu yarımfinal matçında vurulan qollara gəlincə, matçın 22-ci dəqiqəsində fransalı müdafiəçi Loka Din öz cərimə meydanlarında ispaniyalı Lakin Yamala kobudluq etdiyi üçün hakim Bartom "xoruzlar"ın qapısına penalti təyin edir. İspaniyalı Mikel Oyarsabal fürsətdən maksimum yararlanaraq, hesabı açıb - 1:0. 

Az sonra Fransanın heyətində məcburi əvəzləmə olub. Zədə üzündən meydanı tərk edən təcrübəli müdafiəçi Ailyam Salibanı nisbətən zəif olan Maksens Laura əvəzləyib.  Matçın ikinci yarısı da İspaniya millisi daha bir qol vurmaqla hesab arasındakı fərqi artırıb - 2:0. Bu dəfə isə səhnəyə Pedro Porro çıxıb. O, matçın 58-ci dəqiqəsində Dani Olmanın ötürülməsini qola çevirib. Fransanın bombardirləri olan Kilian Mbappe və Usman Dembele isə nə qədər cəhd etsələr də rəqib qapısına yol tapa bilməyiblər. 

Beləliklə, son iki görüşdə İspaniyaya uduzan (AÇ-2024-də 2:0, Millətlər Liqası 2025-də 5:1) Fransa bu oyunda revanş edə bilməyib. Və son iki mundialda finalçı olan Fransa millisi, bu dəfə üçüncü yer uğrunda görüşdə iştirak edəcək. Rəqib isə bu gün Argentina  və İngiltərə arasında baş tutacaq fogər yarımfinalda uduzan komanda olacaq.

Mundiala iyulun 19-da baş tutacaq final və üçüncü yer uğrunda görüşlə yekun vurulacaq.

İNTİQAM Məmmədov