Harri Keyn dublla İngiltərə millisinin 1/8-ə daşıyıb

ABŞ, Kanada və Meksikada futbol üzrə keçirilən 23-cü dünya çempionatında 1/6 final mərhələnin oyunları davam edir. Dünən gecə və bu gün mundialda daha iki görüş keçirilib. Hər iki oyun olduqca dramatik məcrada keçib və eyni hesabla bitib - 2:1

Daha maraqlı oyun Atlantadakı (ABŞ) "Mersedes - Benz" stadionunda baş tutub. Söhbət taleyi iordaniyalı referi Adham Mahadmexə tapşırılan və 68.239 tamaşaçının arenada canlı izlədiyi İngiltərə - DR Konqo matçından gedir. Matçın 7-ci dəqiqəsində konqolu Brayan Spenqa komanda yoldaşı Şansel Mbembanın ötürməsini qola çevirməklə hesabı açıb və komandasını hesabda irəli çıxarıb - 0:1. Matçın 75-ci dəqiqəsinədək hesab dəyişməz qalıb. Yalnız bu dəqiqədə Entoni Qordonun ötürməsindən sonra Harri Keyn bərabərlik qolunu vura bilib - 1:1. 

Bundan 11 dəqiqə sonra isə Harri Keyn yenə də Entoni Qordanın ötürülməsini qola çevirib - 2:1. Bununla da Keyn həm dubl edib, həm də komandasını məğlubiyyətdən xilas edərək mundialın 1/8 finalına daşıyıb. Dubl sayəsində Keyn eyni zamanda bombardirliyini də davam etdirib (5 qol).

Yeri gəlmişkən, bu oyunda matçın iordaniyalı hakimi iki dəfə Konqonun qapısına real penaltini təyin etməyib. 39 və 43-cü dəqiqələrdə. Bununla belə haqq öz yerini tapıb. İngiltərə millisi məhz 2 qol vurmaqla qələbə qazanıb. 

1/16 finalın daha bir matçında isə Norveç millisi Kot-d'İuvar yığmasını mübarizədən kənarlaşdırıb - 2:1. Qeyd edək ki, Arlinqton (ABŞ) şəhərindəki "ATT Stadium" arenada keçirilən və 69.665 tamaşaçının izlədiyi həmin oyunda hesabı açan da, sonra artıran da Norveç millisi olub. 39-cu dəqiqədə Antonio Nusa hesabı açıb - 1:0. 74-cü dəqiqədə Amad Diallo besabı nərabərləşdirib - 1:1.

Matcda son və həlledici qolu isə 86-cı dəqiqədə Erlinq Halann vurub - 2:1. Halann bununla da həm komandasını 1/8-ə çıxarıb, həm də, DÇ-2026-da 5-ci qolunu vurub.

Yeri gəlmişkən, hazırda mundialın bombardirləri siyahısına 6 qolla Lionel Messi (Argentina) və fransalı Kilian Mbappe şərikli başçılıq edir. Hərəyə 5 qol vuran Harri Keyn (İngiltərə) və Erlinq Halann (Norveç) isə siyahıda 3-4-cü yerləri bölüşür.

İNTİQAM Məmmədov