Türkiyə millisi ABŞ komandasını məğlub etsə də...

İyunun 11-də planetin ən yaxşı 48 milli komandasının iştirakı ilə startı verilən futbol üzrə 23-cü dünya çempionatı (DÇ-2026) davam edir. ABŞ, Kanada və Meksikanın ev sahibliyi etdiyi və komandaların 12 müxtəlif qrupda mübarizə apardığı bu mundialda artıq bir necə qrupda (A, B, C, D, E, F) baş tutan 3-cü turla qrup oyunlarına yekun vurulub. 

25-26 iyun günlərində kecirilən bu oyunlardan birində mundiala ev sahibliyi edən ABŞ millisi yer aldığı "D" qrupunda Türkiyənin ay-ulduzlu komandası ilə qarşılaşıb.

Los-Anceles şəhərindəki "SoFi Stedium" arenada baş tutan oyunda nominal ev sahibi kimi meydana çıxan Türkiyə millisi qalib gəlsə də (3:2) munialla erkən vidalaşıb. Matçın 3-cü dəqiqəsində ABŞ-ın müdafiəçisi Ostan Trasti komanda yoldaşı Sebastian Berxalterin ötürülməsini qola çevirməklə hesabı açıb - 0:1. Bundan 7 dəqiqə sonra Arda Gülər Barış Yılmazdan aldığı topu rəqib qapısından keçirməklə hesabı bərabərləşdirib - 1:1.

Matçın 31-ci dəqiqəsində isə Arda Günləri qol mövqeyinə çıxaran Barış Yılmaz özü səhnəyə çıxıb və hesabı artırıb - 2:1. Fasilədən sonra (49-cu dəqiqə) amerikalı yarımmüdafiəçi Berxalter özü qol vuraraq, pozulmuş statusu bərpa edib -2:2.

Matcda son və qələbə qolunu 90+8 dəqiqədə türkiyəli Kaan Ayxan vurub - 3:2. 

Lakin bu qələbə Türkiyə millisinin işinə yaramayıb. Ay-ulduzlu komanda mundialla elə qrup mərhələsindəcə vidalaşıb. 

"D" qrupunda 3-cü tur çərçivəsində keçirilən digər oyunda isə Paraqvay millisi Avstraliya ilə sülh bağlayıb - 0:0.

"D" qrupunda yekun turnir cədvəli belə olub:

ABŞ    3   2   0   1   8-4   6

Avstraliya    3   1   1   1   2 -2   4

Paraqvay    3   1   1   1   2-4   4

Türkiyə    3   1   0   2   3-5   3

Digər qruplara gəlincə, "E" qrupunda aşağıdakı nəticələr qeydə alınıb:

Ekvador - Almaniya - 2:1;

Kyurasao - Kot-d 'İvuar - 0:2.

Qrupda yekun turnir cədvəli belədir:

Almaniya    3   2   0   1   10-4  6

Kot-d 'İvuar    3   2   0   1   4-2   6

Ekvador    3   1   1   1   2-2   4

Kyurasao    3   0   1   2   1-9   1

Mundialın "F" qrupunda son tur çərçivəsində keçirilən oyunların nəticəsi belə olub:

Tunis - Hollandiya - 1:3;

Yaponiya - İsveç - 1:1.

Qrupda komandaların yekun turnir cədvəli:

Hollandiya    3   2   1   0   10-4   7

Yaponiya   3   1   2   0   7-3   5

İsveç    3   1   1   1   7-7   4   

Tunis    3   0   0   0   2-12   0

Bir gün öncə "A" qrupunda keçirilən oyunlar:

Çexiya - Meksika - 0:3;

CAR - Koreya - 1:0.

"A" qrupunda komandaların yekun cədvəli:

Meksika    3   3   0   0   6-0   9

CAR    3   1   1   1   2-3   4

Koreya    3   1   0   2   2-3   3

Çexiya    3   0   1   2   2-6   1

"B" qrupunda son turun oyunları:

İsveçrə - Kanada - 2:1;

Bosniya-Hersoqovina - Qətər - 3:1

"B" qrupunda yekun turnir cədvəli belədir:

İsveçrə    3   2   1   0   7-3   7

Kanada    3   1   1   1   8-3   4

Bosniya    3   1   1   1   5-6   4

Qətər    3   0   1   2   2-10   1

"C" qrupunda üçüncü turun oyunlarında aşağıdakı nəticələr qeydə alınıb:

Şotlandiya - Braziliya - 0:3;

Mərakeş - Haita - 4:2.

"C" qrupunda yekun turnir cədvəli belə olub:

Braziliya    3   2   1   0   7-1   7

Mərakeş    3   2   1   0   6-3   7

Şotlandiya    3   1   0   2   1 -4   3

Haita    3   0   0   3   2-8   0

İNTİQAM Məmmədov