Asif Rüstəmli: 

2025-ci İLDƏ 

(Özümə hesabat)

Geriyə dönüb “Facebook” səhifəmdə yaddaşlaşan 2025-ci ilin izlərini nəzərdən keçirdikdə qəlbim fərəh hissi ilə çırpınır... Bu ili ömrümün ən məhsuldar, mənalı, dolğun, tutumlu, fəal, həyəcanlı, sərt, unudulmaz dövrü hesab edirəm. Bu qısa müddətdə ilk növbədə önəm verdiyim elmi sahə: akad.İ.Həbibbəylinin baş redaktorluğu ilə hazırlanan 10 cildlik “Azərbaycan ədəbiyyatı tarixi”nin 7-ci cildi üzərində həm məsul redaktor, həm də müəllif kimi çalışmağımdır. VII cild üç hissədən (hər biri 1160 s.) ibarətdir. 1 və 2-ci hissələrdə 10-dan çox icmal və elmi oçerkim çap olunmuş, üçüncü hissənin üzərində iş gedir. Bu il 30-a yaxın məqaləm İstanbulda, Astanada və Bakıda çap olunmuş, onlardan bir qismi f/b səhifəmə yüklənmişdir.

“Cümhuriyyət məfkurəsi” kitabımın Gəncə Dövlət Universitetində təqdimatı olmuş, “Cəmo bəy Cəbrayılbəyli: həyatı və bədii yaradıcılığı” adlı monoqrafiyamın Xəzər Universitetində müzakirəsi uğurla keçirilmişdir (GDU-nun prorektoru Pərvin Kərimzadəyə, kafedra müdiri Səba Namazovaya, Xəzər Universitetinin təsisçisi, professor Hamlet İsaxanlıya dərin təşəkkürlər). Hər iki kitabım haqqında dəqərli məqalələr yazaraq nüfuzlu jurnallarda dərc etdirmiş elmlər doktoru Əlizadə Əsgərliyə və fəlsəfə doktoru Safurə Quluyevaya sonsuz minnətdarlığımı bildirirəm.

“Cəmo bəy Cəbrayılbəyli: həyatı və bədii yaradıcılığı” kitabımda Cəmo bəyin “Vətən marşı” şeirinin yer alması və bu mövzu ilə bağlı araşdırmaların televiziya kanallarında, qəzetlərdə, saytlarda yer alması, fərqli düşüncələrin sərgilənməsi bir neçə ay davam etdi. Problemə elmi kriteriya ilə yanaşanlar doğru mövqe nümayiş etdirdiyi halda, siyasi şablonlarla qiymət verənlər yanlış durumda çox əsəbi görünürdülər. Haqqı, həqiqəti, doğru sözü dəstəkləyənlərin sıxlığı, sadiqliyi məni çox sevindirdi. Yeni ildə onların sıralarının birə-min çoxalmasını arzulayıram!

Cümhuriyyət dönəmində, 1919-cu ildə nəşr edilmiş “Milli nəğmələr” kitabı ərəb qrafikasından müasir əlifbaya transliteraiya olunmuş, çapa hazırdır. Yaxın zamanlarda nəşriyyatlardan birinə təqdim ediləcəkdir. Arzulayanların gözləri aydın olsun!

Təltiflər barədə:

- 22 dekabr tarixində “Azərbaycan milli mətbuatının 150 illiyi (1875-2025” adlı Azərbaycan Respublikasının yubiley medalına layiq görülmüşəm.

- 4 noyabrda Uluslararası Türk Kültürü Təşkilatının - TÜRKSOY-un təsis etdiyi Ünlü Azərbaycan Şairi “Ahmed Cavad” medalı təqdim edilmişdir. 041 saylı medalın “Sertifikat”ında yazılırdı: “Sayın Asif Rüstemli! Türk Dünyası kültür ve sanatına yapmış olduğunuz üstün katkılarınız anısına. Sultan Rayev – Genel Sekretar”.

- 15 mayda İstanbulda fəaliyyət göstərən Türk Edebiyatı Vakfının təsis etdiyi, böyük Türk ədəbiyyatşünası və ədəbiyyat tarixçisi “Şeyxülmuharrir Ahmet Kabaklı”nın adını daşıyan medalla təltif olundum.

- 24 yanvar 2025-ci il tarixində isə Uluslararası Türk Kültürü Təşkilatının təşkilatçılığı ilə böyük dramaturq Cəfər Cabbarlıya həsr olunmuş və Azərbaycan Dövlət Pedaqoji Universitetdə keçirilən beynəlxalq tədbirdə TÜRKSOY-un “Teşekkür belgesi” ilə mükafatlandırıldım.

Yuxarıdakı təltiflərə məni layiq görənlərə və zəhməti olanlara, o cümlədən Serhad Kabaklıya, Sultan Rayevə və akad. İsa Həbibbəyliyə dərin minnətdarlığımı bildirirəm.

Bakı. 30.12.2025

* * *

Almaz Ulvi Binnatova  

Bütün uğurlarınızı səmimi qəlbdən təbrik edirəm, hörmətli Asif müəllim! Maraqlı hesabatdır! Həvəsim olsa sabah mən də yazacam. Öyrənmək heç vaxt gec deyil.

Raqsana Ələvəzqızı

Təbrik edirəm!

Davamlı uğurlar,möhkəm can sağlığı nəsibi qismetiniz olsun hörmətli professor.

Firdovsi Sultan Yaqub

Bayramını təbrik edir ,uğurlaınıza sevinirəm , Azərbaycan əfəbiyyatına və tarixinə vfrdiyiniz yenilik və töhvələrə görə təşəkkür edirəm ,daha uca elmi zirvələrdə olasınız

Irade Paşayeva

Allah can sağlığı versin.

Daha böyük uğurlar arzulayıram.

Məncə ən böyük mükafat könül rahatlığıdır.

Gərgin əməyinizinə təşəkkür edirəm, hər araşdırma ədəbiyyata bir yenilikdir.

Təzə iliniz daha da uğurlu olsun  düşərli olsun!

Zulfiyya İsmayıl

Bu dünyada ən böyük təqva sahibi özü özünə hesabat verən insandır. Sizin bütün ömürnaməniz nümunəvi hesabatdır, sizin yaradıcılığınız etalondur. 100 illik hesabatınızı görməyi Allah nəsib etsin

Низами Мамедов

Uğurlu hesabata bundan sonra da uğurlar diləyirəm. Bu, həm də məsuliyyətdir! İrəlidə hələ çapılası neçə qaya, yarılası neçə dağ var- özü də Bisütundan daha keçilməz, lakin həmin dağın o yanında ədəbiyyatımızın və ədəbiyyatşünaslığımızın saysız- hesabsız problemləri bizləri gözləyir! İrəli, professor, ststika, staqnasiya bizlik deyil! Yeni hədəflərə doğru! Bayramın mübarək!

QEYD. Başlıqlar "Facebook" sosial şəbəkəsindəki başlıqla eynilik təşkil edir.