"Qarabağ" "Styaua"nı qəbul edir

İki gün öncə Avropada UEFA Çempionlar liqası turniri ilə başlanan futbol həyəcanı bu gün Avropa liqasının əsas mərhələsində keçiriləcək 7-ci turla davam edəcək. Bu futbol həyəcanı Azərbaycan futbol azarkeşlərindən də yan keçməyəcək. Belə ki, ölkəmizi sözügedən turnirdə təmsil edən "Qarabağ" klubu doqma divarlar arasında Rumıniyanın "Styaua" (FKSB) klubunu qəbul edəcək. Görüş Bakı vaxtı ilə saat 21: 45-də Tofiq Bəhramov adına respublika stadionunda başlanacaq. Oyunu Slovakiyadan olan referi Filip Qlova idarə edəcək. Ona həmyerliləri Daniel Polacek və Peter Bednar yardımçı olacaq. 

Yeri gəlmişkən, Azərbaycan çempionu geridə qalan 6 turdan sonra topladığı 3 xalla 36 komanda arasında 33-cu pillədə qərarlaşıb. Rəqib isə 11 xalla ilk onluğu tamamlayır. 

Xatırladaq ki, "Qarabağ" əvvəlki oyunlarda "Tottenhem"ə 3:0, "Malmö"yə 2:1, "Ayaks"a 3:0, "Lion"a 4:1, "Bude Qlimit"ə isə 2:1 hesabla uduzub və yalnız "Elfsborq"u minimal hesabla udub - 0:1. 

Yeri gəlmişkən, dünən bəlli turnirdə Türkiyə təmsilçisi olan "Beşiktaş" və "Qalatasaray" klubu 7-ci tur çərçivəsində növbəti matçını keçirib. "Beşiktaş" evdə "Atletik"i 4:1 hesabla udsa da, "Qalatasaray" qonaqi olan Kiyev "Dinamo"su ilə sülh bağlayıb - 3:3.

Hazırda yarış cədvəlinə hərəyə 16 xalla "Latsio" və 'Atletiko" liderlik edir. 14 xalla"Anderlext" ilk üçlüyü tamamlayıb. Aktivində 13 xali olan "Lion"la "Qalatasaray" isə 4-5-ci yerleri tutur.

Turnirdə bombardirlər siyahısına isə hərəyə 5 qol vuran Samuel Omorodion ("Portu"), Rasmus Xeylun ("M.Yu") və Barnabaş Varqa ("Ferentdvaros") başçılıq edir. Daha 5 futbolçu isə hərəyə 4 qol vurub.

İNTİQAM Məmmədov