"Qarabağ" AL-da FKSB- ni qəbul edəcək 

Yanvarın 23-də futbol üzrə UEFA Avropa liqasının əsas mərhələsində 7-ci turun oyunları keçiriləcək. Həmin gün Azərbaycan çempionu adını daşıyan "Qarabağ" klubu doğma divarlar arasında Rumıniyanın FKSB komandasını qəbul edəcək. Saat 21:45-də Tofiq Bəhramov adına respublika stadionunda başlanacaq oyunun taleyi Slovakiyadan olan hakimlər briqadasına həvalə edilib. Qeyd edək ki, matçın baş hakimi Filip Qlova olacaq. Ona öz həmyerliləri - Daniel Polacek və Peter Bednar cütlüyü laysmanlıq edəcək. Daha bir slovakiyali referi Lukaş Dzivyak isə matçın dördüncü hakimi olacaq.

Yanvarın 22-də Tofiq Bəhramov adına respublika stadionunda hər iki komandanın baş məşqçisinin iştirakı ilə mətbuat konfransı keçiriləcək. Saat 13:45-də Qurban Qurbanov, saat 18:30-da isə qonaq komandanın baş məşqçisi Elias Xarlambus media nümayəndələrinin qarşısına çıxacaq. Mətbuat konfransından sonra isə komandalar jurnalistlər üçün açıq məşqə çıxacaqlar.

Xatırladaq ki, "Qarabağ" ilk 6 turdan sonra cəmi 3 xalla 36 komanda arasında 33-cu pillədə qərarlaşıb. 

Reqlamentə görə, 8 turdan ibarət olan bu mərhələ yarısından sonra 1-8-ci yerlərin sahibləri mübarizəni 1/8 finaldan, 9-16 və 17-24-cu yerlərin sahibləri isə pley-offdan mübarizəni davam edəcəklər.

İNTİQAM Məmmədov