Bahəddin Həzi

Şərhinizdəki bütün fikirlər, təəssüf ki, doğrudur, Elçin bəy. Amma əslində bu, molla rejimi də deyil. "Molla" yaxşı sözdür; "alim" anlamı daşıyır. Bunlar hara, alim hara?! Bu cür gerilikçi təfəkkür, terrorçu zehniyyəti hara, alimlik hara?! Yaxşı atalar sözümüz var. Qozbelin islahı ilə bağlı...

Эльчин Мирзабейли

Bahəddin bəy, haqlısınız. Amma bəzi sözlər, təəssüf ki, zamanla anlamını dəyişir. Vaxtilə islam səlibçi zehniyyətin, daha sonra inkivizisiyanın qəzəbinə tuş gələn elmi əsərləri məhv olmaqdan xilas edir, ilkin feodalizmin qaranlıqlarından işığın yolunu göstərirdi... Beləliklə, Aristotel Ərəstuna, Platon Əflatuna çevrilərək yeni həyat qazanırdı... Həmin dövrdə, bəzi dünyəvi elmlər də dini təhsilin tərkib hissəsi kimi tədris edilirdi və təbii ki, molla sözü də alim kimi qəbul olunurdu. İndi molla sözünün geniş istifadə olunduğu ərazilərə nəzər salaq:

İran, Əfqanıstan... Gerisini yazmağa ehtiyac duymuram.

Bu mollalar o mollalardan deyil, əziz dostum. Təəssüf...

Bahəddin Həzi

Elçin bəy, doğrudur, bu molla o molladan deyil. Mən ilkin anlamını nəzərdə tutmuşdum.

QEYD. Başlıqlar "Facebook" sosial şəbəkəsindəki başlıqla eynilik təşkil edir.

Elçin Mirzəbəyli:

İran nə dost kimi dostdur, nə düşmən kimi düşmən..

İran da Ermənistan kimi dünyada nadir ölkələrdəndir ki, qonşulara münasibətdə sərgilədiyi əyalət hiyləgərliyindən, bicliyindən başlamış, heç nədən hay-küyünə, hərbə-zorbasına, bitib-tükənməyən təxribatlarına kimi… yazdıqca qurtarmaq bilmir. Öz günlərinə, düşdükləri acınacaqlı duruma, ideoloji platformalarından tutmuş siyasi idarəçilik sistemlərinədək məsxərə obyektinə, məzhəkə subyektinə çevrilmələrinə ağlamaq əvəzinə gözləri onun-bunun “qapısı”nda, “pəncərə”sindədir.

Öz gözlərindəki tiri görməzdən gəlib, özgə gözündə tük axtarırlar. Sözü də ağızları köpüklənə-köpüklənə havaya üfürürlər. Amma bölgədə özünü yad ünsür kimi aparan, gah o qütbə, gah bu qütbə yalmanan, yekə-yekə açıqlamalar, bəyanatlar verən bu iki ölkəni bir-birindən fərqləndirən çox önəmli bir cəhət var: Ermənistanın düşmənçiliyi ortaqlıdadır. İran isə nə dost kimi dostdur, nə də düşmən kimi düşmən. Üzdə müsəlmanların həmrəyliyindən danışır, arxada Ermənistanla işbirliyi qurur, müsəlmanların məscidlərini tövləyə çevirənlərlə qol-boyun olub, dil ağıza qoymadan İslam dəyərlərinin və abidələrinin müqəddəsliyindən söz açır. Bu xüsusda yerinə düşən məşhur bir atalar məsəlimiz var: “Mərd ələ yapışar, namərd ayağa…”

Bunlar isə nə mərd kimi mərddilər, nə də namərd kimi namərd… Mərdimazardılar, ya da transmərdimazar...

İliyinə kimi türk düşmənçiliyinə yoluxmuş tarix və din saxtakarlarının Çaldıran savaşını mütəmadi olaraq gündəmə gətirmələri də təsadüfi deyil, şübhəsiz. Həm də "Çaldıran şəhidləri"nin anım mərasimi adı altında... Kim qarşı-qarşıya gəlib Çaldıranda? Müsəlman türklər! Bu ləyaqətsizlər türkün türkə, müsəlmanın müsəlmana qarşı savaşına, bir daha təkrarlanmasın deyə ayna tutmaq əvəzinə, bölgədə güclənən türk varlığının bətninə yenidən nifaq toxumu səpməyə çalışırlar. Təəccüblənmirəm.

Əgər molla rejiminin ideoloji tör-töküntüləri Malazgirt savaşının şəhidlərini ansaydılar, o zaman təəccüblənərdim. Çünki Malazgirtdə indiki ultramillətçi molla rejiminin sələfləri, ideoloji ataları yenilmişdi... Əgər imkanları olsa Bizansın cəhənnəmə vasil olmuş əsgərlərinə yas saxlayardılar...