Usik Fyuri ilə revanş döyüşdən də qalib ayrılıb

Dünən Səudiyyə Ərəbistanının Ər-Ryad şəhərindəki "Kinqdom Arena"da möhtəşəm boks gecəsi keçirilib. Gecənin əsasını peşəkar boks üzrə ağır çəkidə WBA, WBC, WBO və IBO versiyasi uzrə sabiq dünya çempionu Fyuri Tayson (Britaniya ) ilə bu versiyalar üzrə dünya çempionu adını daşıyan ukraynalı Aleksandr Usik arasındakı revanş döyüş təşkil edib. Fyuri sayca özünün 36-ci (34 qələbə, 24 nakaut), Usik isə 23-cu ( 23 qələbə, 14 nakaut) döyüşünə çıxıb. Olduqca həm gərgin, həm də maraqlı mübarizə şəraitində keçən 10 raundlu qarşılaşma bu ilin 18 may günü baş tutan və 12 raunddan ibarət olan ilk döyüşdə olduğu kimi, yenə də Usikin qələbəsi ilə bitib. Döyüşü qiymətləndirən üç hakimin rəyinə görə Usik 116:112 hesabla rəqibini üstələyib. Bununla da, Usik yuxarıda göstərilən versiyalar üzrə dünya çempionluğunu özündə saxlayıb. 

Revanş döyüşünün gedişatına gəlincə, ilk 3 dəqiqlik raund Usikin fəallığı və zərbələr seriyası ilə yadda qalıb. 

İkinci raund da Ukrayna boksçusunun  fəallığı ilə başlasa da, rundun bitməsinə 10 saniyə qalmış o, rəqibdən sarsıdıcı zərbə alıb. Və bu raund Fyurinin aktivinə yazılıb.

Üçüncü 3 dəqiqəlik döyüşdə Usik məsafə saxlamağa çalışsa da Fyuri sonda raundu öz xeyrinə bitirib. 

Dördüncü raund yenə də Usikin aqilli zərbələri ilə başlayıb. Hətta raundun ortasında güclü zərbəylə o, Fyurini silkələyib. Az sonra Fyuri buna cavab versə də, döyüş Usikin üstünlüyü ilə başa çatıb.

Beşinci raundda Usik irəli atılmağa çalışsa da Fyuri fiziki güc sayəsində üstün olub.

Altıncı raundda isə  əksinə, Fyuri fəal başlasa da Usikin açıq-aşkar üstünlüyü ilə bitib.

Yeddinci raund bir növ kəşfiyyat xarakterli olub və zərbəyə zərbə prinsipi ilə davam edib. Sonda isə daha üstün olan tərəf Usik olub.

Səkkizinci raunda yenə də Usik daha istəkli başlayıb və dünyada 1 nömrəli olmaq istəyini nümayiş etdirib.

Doqquzuncu raunda Fyuri fəal başlasa da, sonda 3 dəqiqəlik mübarizə Usikin üstünlüyü ilə bitib.

10-cu raundda hər şeyin bitdiyini hiss edən Fyuri rəqibini çirkli döyüşə çəkmək istəyib. Lakin Usik daha aqilli döyüşə üstünlük verib. 

Bununla da, yuxarıda göstərilən versiyalar üzrə çempionluq kəmərini illər öncə ukraynalı Vladimir Kliçkodan qoparan "Qaraci Kral" ləqəbli Tayson Fyuri kəməri bu il digər ukraynalı boksçuya - Aleksandr Usikə vermək məcburiyyətində qalıb.

Yeri gəlmişkən, bu döyüşdə uduzaraq kəmərini geri qaytara bilməyən Fyuri, həm də beş yaşlı oğlunun istəyini yerinə yetirə bilməyib.

"Kiçik oğlum, Adenis məndən həmin adamın üzünü dağıtmağı istəyib. O, cəmi 5 yadındadır. Amma revanşda onu sərt döyməyimi istəyir' - Tayson Fyuri bo sözləri döyüşdən qabaq deyib. Amma,....

İNTİQAM Məmmədov