GİKM-nin və Heydər Əliyev Mərkəzinin hesabat konfransı - MASALLIDA

Gənclərin İnkişaf və Karyera Mərkəzinin (GİKM) Lənkəran-Astara Regional nümayəndəliyinin Masallı bölməsinin və Masallı rayon Heydər Əliyev Mərkəzinin 2024-cü il üzrə hesabat konfransı keçirilib. 

Konfransda idarə və müəssisə rəhbərləri, təhsil işçiləri, QHT rəhbərləri, media nümayəndələri, məktəblilər, tələbələr və gənclər iştirak ediblər.

Əvvəlcə dövlət himnimiz səslənib, Ulu Öndər Heydər Əliyevin və torpaqlarımızın bütövlüyü uğrunda canlarından keçən şəhidlərin əziz xatirəsi bir dəqiqəlik sükurla yad olunub.

Masallı rayon Heydər Əliyev Mərkəzinin direktoru Dilbər İbayeva 2024-cü il ərzindəki fəaliyyətləri haqqında məlumat verib.

GİKM-in Lənkəran-Astara Regional nümayəndəliyinin rəhbəri Famil Məmmədov Masallı bölməsi tərəfindən həyata keçirilən tədbirlərin əhəmiyyətindən bəhs edib, il ərzində əməkdaşlıq göstərən idarə, qurum və təşkilatlara minnətdarlığını bildirib.

Lənkəran-Astara Regional Mədəniyyət İdarəsinin Masallı rayonu üzrə nümayəndəsi Salman Yunusov Masallıda gənclər və mədəniyyət sahəsində icra olunan işlərin əhəmiyyətini diqqətə çatdırıb.

GİKM-in Masallı bölməsinin rəhbəri Orxan Əliyev il ərzində həyata keçirilən tədbirlərin hesabatını təqdim edib.

Konfransda ictimai fəaliyyəti ilə fərqlənən gənclərə və əməkdaşlıq edilən qurum və təşkilatlara təçəkkürnamələr verilib.

Masallı Onbirillik İncəsənət Məktəbinin şagirdlərinin və gənclərin təqdimatında konsert proqramı ilə davam edib.

 Akif AĞAYEV