ABL-da 7-ci tura yekun vurulub 

Kişi basketol klublarının mubarizə apardığı ABL-da dünən startı verilən 7-ci tura bu gün baş tutan üç oyunla yekun vurulub.

Günün ilk oyunu "Sərhədçi" İdman Mərkəzində "Ordu" klubu ilə "Şəki" arasında baş tutub. Oyun qonaq qismində meydana çıxan Şəki təmsilçisinin qələbəsi ilə bitib - 74:80 (24:19, 15:17, 14:18, 21:26). Bu qələbədən sonra aktivindəki xalların sayını 13-ə çatdıran "Şəki" klubub B qrupunda liderlik mövqeyini özündə saxlayıb. 

Günün ikinci oyunu Quba OİK-də yerli "Quba" ilə "Gəncə" arasında baş tutub. Bu oyunda da qələbə sevincini qonaq komanda yaşayıb - 78:95 (22:19, 21:25, 20:27, 15:24). Bu qələbə sayəsində "Şəki" B qrupunda ikinci pilləyə yüksəlib. 

Günə və tura Xırdalanda "Abşeron" -  "Sərhədçi" qarşılaşması ilə yekun vurulub. Abşeron OİK-də baş tutan həmin oyun ev sahibinin minimal hesablı qələbəsi ilə bitib - 71:68.

Dünən keçirilən oyunlarda isə aşağıdakı nəticələr qeydə alınıb:

A qrupunda: "Sabah"-"Neftçi" - 66:71; NTD - "Naxçıvan" - 77:95.

B qrupunda: "Sumqayıt"-"Lənkəran" - 108:99.

Komandaların turnir vəziyyəti belədir:

A qrupunda: 

Sabah - 13 xal, Naxçıvan - 23 x, Abşeron - 11 x, Sərhədçi - 10 x, NTD və Neftçi - hərəyə 8 x.

B qrupunda:

Gəncə - 13 xal, Şəki - 12x, Ordu - 11 x, Quba, Lənkəran  və Sumqayıt - hərəyə 9 x.

İNTİQAM Məmmədov