GÜLAĞA TƏNHA: 

Azərbaycanın fəxri, ən ləyaqətli hakimi!

Əziz Azərbaycan xalqı, Azərbaycanda haqqı, ədaləti qoruyan bir qurum var-o da Heydər Əliyev Fondudur !

Əziz xalqım, Siz sual edə bilərsiniz ki, niyə məhz Heydər Əliyev Fondu ?
Mən konkret olaraq, öz başıma gələn bir neçə hadisəni Sizinlə bölüşmək istəyirəm. 

Təxminən 5-6 il əvvəl  mənim Avropada olan şirkətimlə Azərbaycanda nüfuzlu bir nazirlik arasında müqavilə imzalanmışdı . Müqavilənin şərtlərinə görə əvvəlcə 30%,qatarların təmirinə başlandıqdan sonra yenədə 30% və sonda təhvil-təslim aktları imzalandıqdan sonra qalıq məbləğ, yəni 40% ödənilməli idi...

Lakin mən Vətənpərvər ruhlu bir insan kimi, öz millətimə inandığım üçün ödənilməli olan pulları gözləmədən qatarları öz hesabıma alıb, əsaslı təmir edib,Azərbaycana gətirib, sifarişçi nazirliyə təqdim edərək, təhvil-təslim aktını imzalatdırdım... Lakin dələduz sifarişçi müxtəlif bəhanələrlə 10 milyon avro pulu müqavilə əsasında mənim şirkətimə köçürməkdən imtina edərək, büdcədən ayrılan vəsaitləri nağd şəkildə dollara çevirərək qaçaqmalçılıq yolu ilə Gürcüstana göndərirdi...

Bildiyim cinayət faktlarını Baş prokurorla, polislə və DTX ilə bölüşdüm, məhkəməyə müraciət etdim, 2 ilə yaxın ömrümü, əsəblərimi ləyaqətsiz məmurların vicdanını oyatmağa sərf etdim... Heç bir müsbət nəticə əldə edə bilmədim. Sonda Ali məhkəmənin rəhbərliyi mənə tövsiyyə etdi  ki, bu şəxs  cənab prezidentə "yaxın adamdır"qanun sənin  tərəfində olsada Biz sənin xeyrinə  qərar çıxarda bilmərik...

Çarəsiz qaldığım bir vaxtda üzümü haqqın-ədalətin etalonu saydığım Heydər Əliyev Fonduna tutdum. Fondun hüquqşünası müqaviləni oxuyub, cəmi 3 suala cavab verməyimi xahiş etdi .

1.Müqaviləyə görə 30 % avans almısız ? Xeyir almamışam. 

2.Təhvil-təslim aktını Riqada etmisiz? Bəli, qatarlar orada təhvil verilib,2 gün sonra Bakıda nazir müavini imza atıb və möhür vurub...

3.Sizin hesabınız müqavilədə olan hesabdır, pulu hansı hesaba köçürmək lazımdır  ?

Heydər Əliyev Fondunun rəhbərliyinə yazdığım ərizə öz nəticəsini verdi . Dələduzluq yolu ilə Azərbaycan Dövlətinin pullarını Gürcüstana daşıyan ləyaqətsiz, dələduz nazirə ,sifarişçiyə bir həftə  vaxt verildi ki, mənim şirkətimə olan borcunu ödəsin ! Həmin məmur mənim vəkilimə zəng edib, yalvarırdı ki, Gülağa müəllimə de,məndən Heydər Əliyev Fonduna şikayət etməsin... Onun borcunu 5 günə yox, 15 günə qədər hökmən ödəyəcəm ... Beləliklə 5 il müddətinə qaytarılmayan borc, Ulu Öndər Heydər Əliyevin adını daşıyan Fondun vicdanlı , Azərbaycan Dövlətinə ləyaqətlə xidmət edən, əməkdaşları və şəxsən təvazökar Anar müəllimin, Vitse-prezident Mehriban xanım Əliyevanın sayəsində 15 günə qaytarıldı, haqq-ədaləti bərpa etmək mümkün oldu  !

Allah köməyin olsun, 

Allah Sizləri qorusun hörmətli Mehriban xanım !

Qısa bir müddətdən sonra həmin nazirlikdə yoxlama aparıldı, nəticədə nazirin qeyri-qanunu yolla əldə etdiyi əmlaklar  Dövlət hesabına müsadirə olunmaqla, özünü vəzifəsindən azad edilərək, rabitə nazirliyində heç bir iş etibar edilməyən vəzifə verildi... Onun daxmaya  oxşayan otağında heç katibəsi də yoxdur... Sonra isə araşdırmalar nəticəsində məlum oldu ki, Baş prokurorluqda işləyən nazirin oğlu da atası kimi işində kobud nöqsanlara yol verib. Onun da hüquq mühafizə orqanlarından xaric edilməsi barədə sərəncam imzalandı ...

Digər hüquq mühafizə orqanları demək olar ki, əksəriyyəti ölüm ayağındadır...
Məhkəmələr əvvəllər Sədərək bazarına bənzəyirdi... Pulunu ver, nə istəyirsən al ! 

Cənab İnam Kərimov Ali məhkəmənin sədri təyin olunduqdan sonra  stabillik hökm sürür... Cənab İnam Kərimovun  yaratdığı yeni komanda rüşvətxor, cinayətkar hakimləri məşəl ayağına çəkirlər... Konkret olaraq bir faktı nəzərinizə çatdırmaq istəyirəm. 

Apelyasiya məhkəməsinin hakimi, Elnur Həsənov dostluq etdiyi bir vəkillə əlbir olaraq məhkəmə sənədlərini saxtalaşdırmış, digər hakimlərə təzyiq edərək qərəzli, hüquq normalarına uyğun olmayan qərar qəbul etdirmişdi... Mən bu barədə Ali məhkəməyə müraciət etdim .Faktlar diqqətlə araşdırıldı və sənədlərin bir hissəsinin saxta olması öz təsdiqini tapdı ! Apelyasiya məhkəməsində Elnur Həsənov kimi ləyaqətsiz hakimlər var, bu gün onların adlarını çəkməkdən iyrənirəm  !

Son 15 il ərzində, onlarla  ləyaqətli, vicdanlı hakimlər haqqında məlumat toplamışam. Onlardan bir  çoxları ilə duz-çörək də kəsmişəm ...Ancaq, hörmətlə yanaşdığım,lakin heç üzünü belə görmədiyim ləyaqətli, vicdanlı bir hakim haqqında sizlərə söz açmaq istərdim. Belə şəxsiyyət, Azərbaycan ədalət mühakiməsi orqanlarının fəxri olan, apelyasiya məhkəməsinin hakimi Cənab Namiq Cəfərovdur !
Mən bu dahi şəxsiyyət haqqında Sabunçu rayonunda hakim işlədiyi vaxtdan eşitmişəm, qiyabi olaraq tanıyıram...

Bəzi çirkabda eşələnən,üfunət iyi verən hakimlərdən soruşanda ki, Namiq Cəfərov necə hakimdir ? Cavab verirlər ki, psixi xəstədir... Pul qazanmaq istəmir... Lakin ləyaqətli insanlar cənab Namiq Cəfərovun adını eşidəndə ağız dolusu deyirlər-"Allah onu qorusun, o həm vicdanlı, həm də savadlı hakimdir " !

Mən isə Namiq müəllimin bəzi hakimlərin savadsız olduğunu sübut edən məqalələrini oxuduqca qürur hissi ilə Cənnəti seyr edirəm ! 
Cənab prezidentimiz, hörmətli Ali Baş Komandanımız,İlham Əliyev cənabları Sizdən xahişim ondan ibarətdir ki, gəlin Namiq müəllimə və onun kimi ləyaqətli hakimlərə Heydər Əliyev ordeni təqdim edək,onların məişət problemlərini həll edək, axı onlar Sizin fərmanınızla təyin olunublar və eyni zamanda həm Sizlərə, həmdə Azərbaycan xalqına ləyaqətlə xidmət edərək,Sizn etibarınızı doğruldurlar və adınızı ucaldırlar !
Ulu öndər Heydər Əliyevin vəsiyyətlərinə sadiq olan, bir neçə hakim tanıyıram, onlardan bulaq suyu kimi ən saf olanı Namiq müəllimdir !

Allah Sizləri qorusun, cənab Namiq Cəfərov !