Azərbaycan millisi İsveçin qonağı olacaq 

Bu gün futbol üzrə UEFA Millətlər Liqasının qrup mərhələsində sayca 6-ci olan növbəti turun oyunları keçiriləcək. Turnirin C liqasında mubarizə aparan Azərbaycan millisi səfərdə yerli İsveç komandasının qonaqi olacaq. Saat 23: 45-də Solne şəhərindəki "Strouberri Arena"da baş tutacaq oyunun taleyi polşalı referi Pavel Rackovskiyə həvalə edilib. Matçın favoriti isə geridə qalan 5 oyundan sonra 13 xalla qrupa şəriksiz liderlik edən İsveç komandası hesab edilir. Xatırladaq ki, baş məşqçisi Fernandu Santoş olan Azərbaycan millisi isə 5 oyundan sonra aktivinə cəmi bir xal yazıb və qrupda sonuncudur. Yeri gəlmişkən, Azərbaycan millisi portuqaliyalı "mütəxəssis"in rəhbərliyi altında meydana çıxdığı beş oyunun yalnız birində heç-heçə oynayıb. Slovakiyaya evdə (0:2) və səfərdə (1:3) uduzan millimiz Estoniyaya səfərdə 1:3 hesabla uduzandan sonra evdə sülh bağlayıb - 0:0. Millimiz bu gün qonaqi olacağı İsveçə qarşı Bakıda keçirilən ilk oyunda məqlub olub - 1:3. 
Yeri gəlmişkən, bu gün qrupda keçiriləcək digər oyunda isə Slovakiya Estoniyanı qəbul edəcək (23:45). 

Hazırda komandaların turnir vəziyyəti belədir:

Komanda   O   Q   H   M   T/F   X
1. İsveç    5   4   1   0   13:4   13
2. Slovakiya   5   3  1  1   9:5   10
3. Estoniya    5   1   1   3   3:8   4
4. Azərbaycan    5   0   1   4   3:11   1

İNTİQAM Məmmədov