"Qarabağ" Avropa Liqasıda ilk qələbəsini qazanıb 

Dünən axşam saatlarında futbol üzrə UEFA Avropa liqasının 4-cu turuna start verilib. Ölkəmizi bu turnirdə təmsil edən "Qarabağ" klubu hesabat turu çərçivəsində Norveçdə yerli "Bude-Qlimt" klubunun qonağı olub. Qeyd edək ki, Bude şəhərindəki "Aspmyura" stadionunda baş tutan və taleyi portuqaliyalı referi Luiş Qodinyuya tapşırılan oyun "Qarabağ"ın qələbəsi ilə bitib - 1:2 (1:1).

Matçda ilk və baximli qolu Tural Bayramov (22-ci dəq) vuraraq "Qarabağ"i hesabda irəli çıxarıb - 0:1. İlk yarının son dəqiqələrində (41-ci dəq) ev sahiblərindən Patrik Berq dəqiq zərbə ilə pozulmuş statusu bərpa edib - 1:1. Matçda son və "Qarabağ"a qələbə qazandıran qolu də 69-cu dəqiqədə Abdella Zubir vurub və bununla da Azərbaycan çempionu Avropa Liqasında ardıcıl 3 məqlubiyyətdən sonra ilk qələbəsini qazanıb. Bu qələbə sayəsində aktivinə 3 xal yazdıran "Qarabağ" 36 klubun mübarizə apardığı yarış cədvəlində sonuncu pillədən 29-cu yerə qalxıb.

Bu arada turnir cədvəlinin liderlər qrupunda da yerdəyişmələr olub. Belə ki, 4 oyundan sonra aktivinə 10 xal yazdıran "Qalatasaray", "Ayntraxt F" və "Atletika" klubu ilk üç yeri bölüşüb. Üç oyundan hərəyə 9 xal toplayan əvvəlki liderlər "Latsio", "Tottenhem" və ""Anderlext " isə 4-6-ci yerlərə düşüb.

Bombardirlər siyahısına isə hərəyə 4 qolun müəllifi olan Samuel Omorodion ("Portu)", Ayub Əl-Kabi ("Olimpiakos") və "Qalatasaray"li Yunis Akgün şərikli liderlik edir.

Turnirdə növbəti turun oyunları noyabrın 28-də keçiriləcək. Həmin gün "Qarabağ" növbəti matçını evdə "Lion"a qarşı keçirəcək.

İntiqam Məmmədov