Bəybala Mirzəyev: 

Erməni-hind "qardaş"lığı gün-gündən fərqli formalarda üzə çıxmaqdadır...

44 günlük müharibədən sonra Hindistanın Ermənistanın silahlandırılmasında yaxından iştirak etməsinin ardınca, indi də Tavus sərhəd zonasında inşa edilən istehkamların tikintisinə çoxlu sayda hindli fəhlələr cəlb edilib.

Pakistanla bərabər, Türkiyə və Azərbaycanı da hədəfə alan Hindistan hökuməti Ermənistanı öz himayəsinə götürərək, onu Cənubi Qafqazın "kiçik Hindistan"ına çevirməyi planlaşdırır.

Beləliklə, Rusiya və İrandan "tarixi estafet"i (Türk dünyasını parçalamaq xəttini) təhvil alan və Azərbaycanla Türkiyəyə qənim kəsilən Fransa və onun yandaşlarının ardınca, Hindistan da Türk-İslam dünyasına qarşı açıq geosiyasi təhdidlərə, hibrid savaşlara start verir.

Azərbaycan və Türkiyənin BRİCS-ə üzv qəbul edilməsini əngəlləyən əsas səbəbkar ölkə də məhz Hindistan oldu. Hərçənd ki, BRİCS-ə üzv olmaq bizim üçün elə də vacib deyil, ancaq Hindistanın bu məsələdə bizə qarşı açıq şəkildə əks mövqe seçməsi və həddindən artıq canfəşanlıq göstərməsi çox düşündürücüdür.

P.S.

Mahatma Qandi kimi peyğəmbəranə dərəcədə sülhpərvər bir müdrikin qurduğu dinc ölkənin Narendra Modi kimi qatı irqçi, ultramillətçi, türkəfob və islamofob bir baş nazirin idarə etdiyi davakar ölkəyə çevrilməsi həqiqətən də dərin təəssüf hissi doğurur.