Piral kəndində şəhidin tədbiri hər kəsi heyrətləndirib

Oktyabrın 12-si Qusarın Piral kənd şəhidi Hüseynov Kərim Tərlan oğlunun şəhid olduğu gündən 4 il ötür. Qusarın müxtəlif kəndlərindən şəhid ailələri, ictimai fəallar, icra nümayəndələri, bələdiyyə nümayəndələri, Piral kənd tam orta məktəbin müəllim və şagird kollektivi, AYB nin üzvü şairə Esmira Günəş şəhidin ailəsinin yanında olaraq, şəhidi birlikdə yad ediblər. Qonaqlar əvvəlcə şəhidin məzarını ziyarət edib və Esmira Günəşin təşkilatçılığı ilə anım tədbirində iştirak ediblər. Məktəblilər şeirlər səsləndirilib, gələn qonaqlar çıxışları ilə şəhid ailəsinin hər zaman yanında olduqlarını bildiriblər. Daha sonra quran ayələri səslənib. Tədbir xatirə şəkilləri ilə yekunlaşdırılıb. Qonaqlar şəhidin evində təşkil olunmuş ehsan süfrəsinə dəvət olunublar.
Qeyd edək ki, Kərim Hüseynov 44 günlük müharibədə qanıyla tarix yazan igidlərdən biridir. Şəhidimizdən Vətənə və xalqına iki övladı əmanət qalıb.

Şəhid Kərim Hüseynov

Qusarın qəhrəman, igid şəhidi,
Səni bir an belə unutmarıq biz. 
Adını hər zaman uca tutaraq, 
Daima yad edər səni qəlbimiz.

Vətən savaşında sən Füzulidə, 
Dörd kəndi düşməndən azad eylədin. 
Biz sənin yolunu gözləyən zaman
Sən həmin döyüşdən geri dönmədin.

Şəhidlik zirvəsi oldu qismətin, 
Qusarın yolları ağladı sənsiz. 
Vətən savaşında öz qanın ilə, 
Tarixi dəyişib sən də saldın iz. 

Cəbhədən gələnlər səndən danışdı, 
Hünərin dillərdə dastana döndü. 
Evində boş qalan həmin otaqda, 
Guşələr düzüldü yerin göründü. 

Esmira Günəş 
30.01.2024