Evin tək oğlunun şəhadətindən 4 il ötür

Oktyabrın 13-ü Sumqayıt şəhidlərindən evin tək övladı Şəhid Rüfət Mustafayevin torpağa qovuşduğu gündən 4 il ötür. Şəhid ailələri, şəhidin doğmaları, Sumqayıt sakinləri, Qubadlı r. İcra nümayəndələri, şairlər, Mədəniyyət işçiləri, məktəblilər, müəllimlər və şəhidin dostları Sumqayıt Şəhidlər Xiyabanında şəhidin məzarını ziyarət ediblər. Məktəblilər şeirlər səsləndirilib və qonaqlar. Çıxış edərək şəhidliyin məqamından, şəhid Rüfət Mustafayevin evin tək övladı olmasına baxmayaraq Vətən torpaqlarının azadlığı uğrunda canından keçməsindən danışıblar. AYB nin üzvü şairə Esmira Günəş çıxış edərək bildirib ki, şəhid Rüfət Mustafayevin xatirəsinə "Qəlbimizin zirvəsində yaşayan qəhrəman", "Cənnətdən gələn hədiyyə" kitablarını yazmaqla yanaşı həm də şəhidlərə həsr etdiyi bütün kitablarda şəhid Rüfət Mustafayevdən də bəhs edib. Hətta Qusar şəhidi Oleq Cəfərovun xatirəsinə yazdığı "Şahin gözlü snayper" kitabında da şəhid Rüfət Mustafayevə yer ayırıb. O bildirib ki, yeganə oğlunu Vətənə qurban verən şəhid anasının tək təsəlli yeri övladının unudulmamasıdır. Xaçmaz şəhidlərindən Fəxrəddin Fərəcovun bacısı Rübabə Məmmədəliyeva isə qardaşının və Şəhid Rüfət Mustafayevin analarıyla birlikdə şəklinin yer aldığı çərçivəni şəhidin anasına hədiyyə edib. 
Daha sonra xatirə şəkilləri çəkdirilib və qonaqlar ehsan süfrəsinə dəvət olunublar.

Esmira Günəş