Azərbaycan komandası titulunu qoruya bilməyib

Tacikistanın paytaxtı Düşənbədə gənc cüdoçular arasında keçirilən cüdo üzrə dünya çempionatı bu gün qarışıq komanda yarışı ilə başa çatıb. Komanda yarışlarında Azərbaycan da daxil olmaqla 15 yiqma mübarizə aparib. Qeyd edək ki, heyəti Vüsal Qələndərzadə, Süleyman Əliyev (hər ikisi 73 kq), Aslan Kotsayev, Süleyman Şükürov (hər ikisi 90 kq), Əjdər Baqirov, Kənan Nəsibov (hər ikisi +90 kq), Aydan Vəliyeva, Fidan Əlizadə (hər ikisi 57 kq), Pərvanə Abdullayeva (70 kq) və Nigar Süleymanovadan (+70 kq) ibarət olan Azərbaycan yığması mübarizəyə başladığı 1/8 finalda Ev sahibini üstələyib - 4:2. Ardından Türkmənistan komandasını 4:0 hesabla udan komandamız yarımfinalda Fransa ilə bacarmayıb - 3:4.

Bundan sonra isə Azərbaycan yığması üçüncü yer uğrunda Özbəkistanla qarşılaşıb. Təəssüflər olsun ki, yiqmamiz bu görüşdə də uduzaraq, medalsız qalıb. 

Beləliklə, ötən ilin dünya çempionu olan Azərbaycan bu dəfə nəinki titulunu qoruya bilməyib, heç mükafatçılar sırasında belə yer ala bilməyib. Azərbaycan komanda yarışlarında yalnız dördüncü olub.

Xatırladaq ki, Azərbaycan komandası bu mundialı fərdi yaşayışlarda qazandığı 3 (0-1-2) medalla başa vurub.

İNTİQAM Məmmədov