Yan Nepomniyaşiy Vüqar Həşimov Memorialının qalibidir

Şuşada ilk dəfə olaraq şahmat üzrə Vüqar Həşimov Memorialı keçirilib. Sayca 10-cu olan bu turnirdə üçü yerli olmaqla, 8 zəka sahibi mübarizə aparıb. Tunir şahmatın rapid və blits növləıri üzrə keçirilib. İştirakçılar əvvəlcə rapd, sonra isə blits üzrə özləırini sınayıblar. Sonda iki turnirin ümumi nəticəsinə görə qalib və mükafatçılar müəyyənləşib. 

Turnirin qalibi 19 xalla rusiyalı Yan Nepomniyaşiy olub. FİDE bayrağı altında çıxış edən Nepomniyaşiy ən yaxın izləyicisi olan özbəkistanlı Nodirbek Abdusattarovu 1 xal geridə qoyub. Turnuirdə ilk üçlüyü isə Azərbaycan şahmatının lideri Şəhriyar Məmmədyarov (16 xal) tamamlayıb. Beləliklə, Yan Nepomniyaşiy sayca 10-cu dəfə keçirilən Vüqar Həşimov Memorialının qalibi adını qazanıb. Şuşa turnirində sonrakı yerləri isə Vladislav Artemeyev (14,5 xal, Rusiya) , Aydın Süleymanlı (13,5 xal), Aravind Çitambaram (13 xal, Hindistan), Rauf Məmədov və macarıstanlı Rixard Rapport (hərəyə 9 xal) tutub. .

Xatırladaq ki, bundan əvvəl turnirin qalibi adını norveçli sabiq dünya çempionu Maqnus Karlsen (4 dəfə), Şəhriyar Məmmədyarov (2 dəfə), Fabiano Karuana (ABŞ), Nodirbek Abdusattarov (Özbəkistan) və Vidit Santoş (Hindistan) qazanıb. 

İNTİQAM Məmmədov