Nəcəf Novruzov: 

Quba Futbol Klubuna üzvü olan uşaqların valideynləri ilə görüşdük

25 sentyabr 2024-cü il tarixində Quba Heydər Əliyev Mərkəzində Quba Futbol Klubuna üzvü olan uşaqların valideynləri və futbol ictimaiyyəti ilə görüş keçirildi. Tədbirdə Quba-Xaçmaz Regional Gənclər və İdman İdarəsinin rəisi Nəcəf Novruzov, Quba rayon İcra Hakimiyyətinin nümayəndəsi Arif Nəbiyev, Şahdağ Quba & Truskavets Medical Sanatoriyasının direktoru Qəmbər Rəhmanlı və Quba Futbol Klubunun rəhbəri Elnur Mirzəyev çıxış etdilər.

Görüş zamanı 2025-ci il mövsümündə AFFA bayrağı altında keçiriləcək yarışlar müzakirə edildi və Quba Futbol Klubunun U-14, U-12 və U-11 yaş qrupları üzrə komandalarına uğurlar arzulandı. Tədbir iştirakçılarına son illərdə görülən və gələcəkdə həyata keçiriləcək futbolun inkişafı ilə bağlı layihələr haqqında ətraflı məlumat verildi.

Ən sevindirici məqamlardan biri olaraq, Şahdağ Quba & Truskavets Medical Sanatoriyasının Quba Futbol Klubunun rəsmi geyim sponsoru olacağı elan edildi. Həmçinin, futbolun infrastrukturunun inkişafı üçün üstü bağlı yeni futbol meydançasının inşasına başlandığı xəbəri də paylaşıldı.

Görüşdə çıxış edənlər, rayonun futbol sahəsində mərhələli şəkildə inkişafı üçün görülən işlərdən danışaraq, futbolçularımıza növbəti yarışlarda müvəffəqiyyətlər arzuladılar.

Bu görüş, həm Quba Futbol Klubunun uğurlu gələcəyi üçün önəmli bir addım, həm də rayonun futbol həyatında əlamətdar bir hadisə kimi yadda qalacaq.