VOLEYBOL

------------------

"Xarı Bülbül" MOİK-i udmaqla liderliyini möhkəmləndirib 

Dünən kişi voleybol klublarının mübarizə apardığı Azərbaycan çempionatının Yüksək Liqasında növbəti oyunlar keçirilib. Günün ilk qarşılaşması “Xarı Bülbül Şuşa” və MOİK komandaları arasında olub. Bakı Voleybol Mərkəzində baş tutan həmin oyun Şuşa təmsilçisinin üstünlüyü ilə keçib. Ziya Rəcəbovun yetirmələri bu matçda 3:0 hesabı ilə qələbə qazanıblar. Ardınca meydançaya “Xarı Bülbül Laçın” və “AZERRAIL” klubları çıxıb. Bu qarşılaşmada qalib dörd setdə müəyyən olunub. Gərgin mübarizə şəraitində keçən qarşılaşma “AZERRAIL”ın 3:1 hesablı qələbəsi ilə bitib. Günün son matçında isə “Murov Az Terminal” və “Neftçi” komandaları üz-üzə gəliblər. Bu görüşdə də 3:1 hesabı qeydə alınıb. Matçın qalibi isə “Murov Az Terminal” komandası olub.

Yüksək Liqa

“Xarı Bülbül Şuşa” - MOİK 3:0 (25:18, 25:22, 25:15)

“Xarı Bülbül Laçın” - “AZERRAIL” 1:3 (23:25, 20:25, 25:21, 22:25)

“Murov Az Terminal” - “Neftçi” 3:1 (25:19, 25:20, 17:25, 25:22).

Hazırda turnir cədvəlində vəziyyət belədir: “Xarı Bülbül Şuşa” - 16 xal, "Azərreyl" 14 xal, “Murov Az Terminal”, “Neftçi”, “Xarı Bülbül Laçın” - hərəyə 4 xal, MOİK - 0 xal.

Qeyd: Bu gün saat 15:00-da isə eyni məkanda "Murov Az Terminal" və "Abşeron" qadın voleybol klubları qarşılaşacaq.

İNTİQAM Məmmədov