Albaniyalı Klaus Qyasula hər iki qapıya qol vurub

Almaniyada futbol üzrə keçirilən Avropa çempionatı (Avro-2024) davam edir. Çempionatın 6-cı gününə B qrupunda yer alan Xorvatiya ilə Albaniya arasında keçirilən oyunla start verilib. Qeyd edək ki, Hamburq şəhərindəki "Volksparkstadion"da baş tutan oyunda qapılara üst-üstə 4 qol vurulub. Bu qollardan üçünü albanlar vursalar da görüş sülh şəraitində bitib - 2:2. Buna səbəb isə albaniyalı futbolçu Klaus Qysulanın hər iki qapıya qol vurması olub. Matçın 11-ci dəqiqəsində Kazim Lyaçi hesabı aşmaqla Avro-2024-ün ən tez qolunu vuran Albaniya millisini hesabda irəli çıxarıb - 0:1. İlk yarı bu hesabla da bitib. 74-cü dəqiqədə xorvatiyalı Andrey Kramariç bərabərlik qolunu vurub - 1:1. 

Bundan 5 dəqiqə sonra (76-cı dəq) Albaniya millisinin oyunçusu Klaus Qyasula avtoqola imza atmaqla Xorvatiyanı hesabda irəli çıxarıb - 2:1. Maraqlıdır ki, matçın əlavə edilən (90+5) vaxtında yenidən səhnəyə çıxan Qyasula öz qapılarına vurduğu qolun əvəzini cıxıb - 2:2. Bununla da  76-cı dəqiqədə avtoqolla antiqəhrəman olan Qyasula son anda konmandasını məğlubiyyətdən xilas edən qəhrəmana çevrilib. 

Beləliklə 2 oyundan sonra cəmi 1 xal toplayan Xorvatiya B qrupunda üçüncüdür. Keçirdiyi hər iki oyunda hesabı açaraq ilk qol sevinci yaşayan Albaniya isə xalsızdır. Bu isə albanların pley-off şansının itməsi deməkdir. Qrupda son turun oyunları iyunun 24-də olacaq. Həmin gün Xorvatiya - İtaliya və İspaniya - Albaniya matçı keçiriləcək. 

İNTİQAM Məmmədov