Cavadxan Qasımov: 

"Qərbi Azərbaycana qayıdış" festival-konqresinə hazırlıq işləri davam edir

21-22 iyun 2024-cü il tarixində Batabat Yaylasında keçiriləcək olan "Qərbi Azərbaycana qayıdış" festival-konqresinə hazırlıq işləri ardıcıl və əlaqəli olmaqla davam etməkdədir.

Naxçıvan Dövlət Universitetinin bu işlərdəki təşkilatçılıq fəaliyyətində sistemli və kompleks nəticələr özünü göstərməkdədir. Belə ki, el adət və ənənələrinə uyğun olaraq, toy çadırı qurulmuş, kulinariya, kitab, idman oyunları, sərgiləri üçün işlər tamamlanmaqdadır. Festivalın uğurlu təşkili məqsədilə yerlər və təsisatlar müəyyən olunmuşdur.

Hazırlıq işləri çərçivəsində artıq Qərbi Azərbaycanla bağlı olan obalar, çadırlar qurulmuş, şəhər və rayonların İcra Hakimiyyətləri və digər bu strukturların təhkim oldunğu hazırlıq prosesləri səmərəli şəkildə olmaqla, davam etməkdədir.

Festivalda Göyçə Mahalının aşıqlarının və görkəmli nümayəndələrinin, Qərbi Azərbaycan mətbəxinin, Göyçə mahalının flora və faunasının, Göyçə mahalı haqqında məlumatların verildiyi olduğu stendlər də yer almaqdadır.

Eyni zamanda, burada, Göyçə mahalının əhatə olunduğu ərazilər barəsində, o cümlədən, Çənbərək, Yelenovka, Aşağı Qaranlıq, Kəvər, Basarkeçər rayonları haqqında məlumatlar təqdim olunmuşdur.

Naxçıvan Dövlət Universitetinin təşkilatçılığı ilə təşkil olunacaq festival-konqres üçün hazırlıq işləri hər keçən dəqiqə uğurlu nəticələrlə davam etməkdədir.