Elçin Səlimli:
KÜR çayı qan-qan deyərək axıb gedir...
Bu şəkillər "KÜR" çayının bizim kəndimizin ərazisindən keçən hissəsinin görüntüləridir .
Onu da qeyd edim ki , bunlar yalnız kiçik bir hissəsinin görüntüləridir .Ona görə kiçik deyirəm ki , çay kəndimizin bir başından əraziyə daxil olur və o biri başından axıb başqa istiqamətə gedir . Xeyli məsafə qət etdikdən sonra "XƏZƏR" dənizinə tökülür . Bizim kəndimiz isə bu çayın əhatəsində yerləşir. Mən gözlərimi bu dünyaya açandan bəri bunu belə görmüşəm. Və bu belə olaraq həmişə qalacaq.
Bu hissə həm də ata yurdumda evimiz olan hissədir və biz zaman-zaman oralarda oynamış , gəzib dolaşmış , uşaqlığımızı burada keçirmişik . Məni ora ilə çoxlu uşaqlıq xattirələrim bağlayır . Bu şəkilləri də özüm , öz telefonum ilə çəkmişəm.
Sizlərin nəzərinə mən nəyi çatdırmaq istətirəm . Əvvala o vaxtlar bu çay belə deyildi .
Tər-təmiz bir çay olaraq öz məcrası ilə həmişə sakit -sakit axar və suyun üzəri qızılı pulcuqlarla dolu olar , xüsüsən yaz-yay aylarında , həm də ,səhər sübhdən Günəş çıxarkən bu mənzərə adamıın diqqətini daha çox cəlb edərdi . Mən uşaq olarkən çoxlu sayda bu mənzərənin şahidi olmuşam . Çünki hər gün çayın sahilinə gələr və ona saatlarla tamaşa edərdim . Ta ki , Günəş qalxıb öz qızılı şüalarını başımın üzərinə salana və o şüalar mənim başımı yandırana qədər . Bir də mənim diqqətimi daha çox İyul və Avqust aylarında suyun üzərindən qalxan və göyə doğru can atan zəncirvari buxarlar cəlb eləyirdi . Yəni həmin bu aylarda çayın suları buxarlanar və sonra isə su nisbətən azalar , çayın tən ortasında balaca adacıq əmələ gələrdi . Biz isə ona "ada" deyərdik . Bütün yay boyu bizdən böyük uşaqlar çayı üzərək həmin adaya daxil olar və orada top-top , futbol oynayardılar . Mən isə çayın durduğum sahilindən həmişə onları seyr edərdim . Həm də həsədlə . Çünki mən o zamanlar üzməyi yaxşı bacarmırdım . Sonra isə oradan və kənddən ayrılıb şəhərə oxumaq üçün gəldim və bir daha oraları görmədim ...
Aradan çox uzun illər keçdi və mənim uzun müddət oralara yolum düşmədi . Çünki başım öz işlərimə-----oxumağa , işləməyə və s. qarışdı . Beləliklə illər hiss olunmadan keçib getdi və biz yaşlandıq . Bir də çayın həmin hissəsini bu ilin
May ayının 26-da gördüm və onlarla görüşdüm.
Deməli həm qohumum , həm kəndçim və həm də şair dostum Camaləddin Əjdər oğlu ilə görüşdük . Dedi gedək sən də bir buraları gör . Çoxdandır buralarda olmamısan . Sonra da oturub bizdə söhbət edərik . Elə də etdik . Qayıdıb onlara gəldik və gözəl bir çay süfrəsinə oturduq . Uzun illərdir ki , biz görüşmürdük və xeyli də söhbət etdik . Və şəkilləri də , elə onda çəkmişəm .
İndi isə həmin yerdə əməlli-başlı meşə , cəngəllik və böyük bir ada əmələ gəlib . Ada və meşəlik o qədər böyüyüb ki , lap "TUQAY" meşələrini xatırladır. "KÜR" çayı da qan-qan deyərək axıb gedir ...
Sizinlə və ora ilə bir də görüşmək ümidi ilə .
Elçin Səlimli.
06.06.2024-cü il.
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.