Zeynəb Rəhimova lisenziya turnirində 1\4 finala yüksəlib 

Taylandın paytaxtı Bonqkokda Azərbaycan boksçuları da daxil olmaqla, kişi və qadınlar arasında boks üzrə keçirilən Dünya Olimpiya Təsnifatlı turnir davam edir. Bu gün turnirdə daha bir təmsilçimiz rinqə çıxaraq nğövbəti döyüşünü də qələbə ilə başa vuraraq 1\4 finala yüksəlib. Söhbət 54 kq çəki dərəcəsində çıxış edən və ikinci döyüşünə (1\8 final) çıxan Zeynəb Rəhimovadan gedir. O, bu mərhələdə Burunda təmsilçisi Ornella Havyarimanadan güclü olub - 5:0 (30:27, 30:27, 30:27, 30:27, 30:26). Qeyd edək ki, Zeynəb növbəti döyüşünü də (1\4 final nəzərdə tutulur) qələbə ilə başa vuracağı təqdirdə həm bürünc medalı, həm də Paris-2024 Olimpiadasına lisenziyanı özünə təmin etmiş olacaq. Rəhimova növbəti döyüşünü iyunun 2-də keçirəcək.

Günün sonunda isə digər boksçumuz - Alfonso Dominqes (92 kq) 1\4 final döyüşünə çıxacaq. Boksçumuz həmin döyüşü udarsa, o zaman Paris-2024-ə vəsiqə qazanmış olacaq. 

Yeri gəlmişkən, hazırda Azərbaycan boksçuları Olimpiada-2024-ə 4 lisenziya qazanıblar. Bu isə Avropa ölkələri arasında yüksək nəticədir. Cünki, Avropada yalnız Azərbaycan, Fransa və İspaniya cəmi 4 lisenziya qazana bilib. 

Azərbaycanın bundan sonra daha iki lisenziya şansı var. Alfonso Dominqeslə Zeynəb Rəhimova yarımfinala çıxacaqları təqdirdə say 6-ya çata bilər. 

Hazırda qazanılan 4 lisenziyalar boksçularımızdan Nicat Hüseynov (51 kq), Malik Həsənov (63,5 kq),  Murad Allahverdiyev (80 kq) və Məhəmməd Abdullayevin (+92 kq) aktivinə yazılıb. 

Qeyd: Turnirdə 133 ölkədən 600 boksçu 51 lisenziya (28 kişi, 23 qadın) uqrunda mübarizəyə qatılıb. Reqlamentə görə, bu turnirdə 63,5 və 71 kq çəki dərəcəsində 5 lisenziya,  50, 54, 66, 71 və 92 kq-da 4 lisenziya, 57 kq çəki dərəcəsində 3 ədəd lisenziya öz sahibinə çatacaq.

İNTİQAM Məmmədov