Bakıda körlinq idman bölməsi açılıb

Bu gün Heydər Əliyev adına İdman Konsert Kompleksindəki buz meydançasında yeni bir idman bölməsinin açılışı elan edilib. Söhbət buz idman növlərindən olan körlinqdən gedir. Bu məqsədlə də bu gün adıçəkilən məkanda jurnalistlər üçün brifinq keçirilib. Brifinqdə idman kompleksinin direktoru Fikrət Hüseynov, "Ocaq" idman klubunun rəhbəri Vəfa xanım Bəylərova və bu idman növü üzrə mütəxəssis kimi Türkiyədən caqrilan məşqçi Əhməd Alperəntunqa iştirak edib. 

İlk olaraq mətbuata açıqlama verən Vəfa xanım bundan sonra rəhbərlik etdiyi "Ocaq" idman klubunun tərkibinə buz idmanına daxil olan körlinq də olacaq. Onun sözlərinə görə, klubda gimnastikanın 11 növü, su idman növləri, taekvondo, cüdo, şahmat, fiqurlu konkisürmə və xokkey üzrə bölmələr fəaliyyət göstərir. 

Hazırda bu novlərlə 1000-dən idmançının məşqul olduqunu bildirən Bəkərovanin sözlərinə görə, klubda 60-70 məşqçi fəaliyyət göstərir. Onun sözlərinə görə, "Ocaq" yalnız paytaxt Bakıda deyil, regionlarda da (Abşeron, Sumqayıt, Şamaxı, Zaqatala, Qax və Sabirabad) fəaliyyət göstərir.

Bu idman növünü ölkəmizdə inkişaf etdirmək üçün Türkiyədən gələn mütəxəssis Əhməd Alperentunqa isə bildirib ki, paytaxt Bakıda bunun üçün gözəl şərait yaradılıb. Onun sözlərinə görə, adıçəkilən məkanda 7 yaşdan 70 yaşadək olan hər kəs gəlib məşq edə və körlinqin sirlərinə yiyələnən bilər. Türkiyəli mütəxəssis daha sonra 8-16 yaşlılar arasında yığma komandanını yaradacağını da qeyd edib.

Onun özünə gəlincə, dünya və Avropa miqyasında heç bir uğura imza atmadiqini vurğulayan məşqçi bu idmanla 13 il məşqul olduğunu, 9 il isə məşqçi kimi fəaliyyət göstərdiyini bildirib.

İNTİQAM Məmmədov