4 qat Avropa çempionu Hidayət Heydərov ən yaxın təqibçisindən daha da uzaqlaşıb

Avropada ilk çempionluğunu qazanan Elcan Hacıyevsə reytinqdə 6 pillə irəliləyib

Ötən həftəsonu Xovatiyanın paytaxtı Zaqrebdə kişi və qadın çüdoçular arasında keçirilən Avropa çempionatınından sonra Beynəlxalq Cüdo Federasiyası (İJF) cüdoçuların yeni reytinq cədvəlini elan edib. Çempionatın nəticələri yeni cədvəldə öz əksini tapıb. Belə ki, karyerasında 4-cü dəfə Avropa çempionu adını qazanan Hidayət Heydərov aktivndəki reytinq xalını 7161-ə çatdırmaqla dünya reytinq cədvəlində liderliyini daha da möhkəmləndirməklə yanaşı, həm də cədvəldə ən yaxın təqibçisi olan yaponiyalı  Soiçi Xasimotonu 1471 xal geridə qoyub. 

Heydərovdan fərqli olaraq, Avropada ilk çempionluğunu qazanan Elcan Hacşyev (90 kq) 2960 xalla 6 pillə irəliləməklə 19-cu yerə yüksəlib. Sözügedən qitə çempionatında yalnız həlledici finalda büdrəməklə ikinci yeri tutan Balabəy Ağayevsə (60 kq) 4704 xalla yenə də 6-cı pillədə qalıb. 

AÇ-2024-də fərqlənməyən tatami ustalarımıza gəlincə, 100 kq-da güləşən Zəlim Kotsayev (5772) əvvəlki kimi 2-cidir. Çempionatla əliboş vidalaşan Zəlim Tskayev (81 kq) bir pillə geriləməklə 7-ci (4611 xal) yerə düşüb. 66 kq-da güləşən Yaşar Nəcəfov (4005) iki pillə aşağı düşməklə 8-ci olub. 90 kq çəki dərəcəsində çıxış edən digər cüdoçumuz Murad Fətiyevsə (3737) 2 pillə geriləməklə 12-ci olub. 

Qadınlara gəlincə, yenə də nisbətən yaxşı nəticə Gültac Məmmədəliyevaya (52 kq) məxsusdur. O, 2807 xalla 17-ci yerdə qərarlaşıb. Onunla eyni çəkidə mübarizə aparan və Zaqrebdə 5-ci yeri tutan Aydan Vəliyeva 1757 xalla 2 pillə yuxarı qalxmaqla 32-ci olub. Leyla Əliyeva (48 kq) 2675 xalla 23-cüdür.

İNTİQAM Məmmədov