Ülviyyə Fətəliyeva çempionluğun bir addımlığında 

Yunanıstanın Rodose şahəarinda qadın şahmatçılar arasında keçirilən və Azərbaycan şahmatçılarının da (10 nəfər) iştirak etdiyi şəxsi Avropa çempionatı davam edir. Azərbaycan şahmatçıları iləı birlikdə 150 zəka sahibinin mübarizə apardığı və 10 turdan ibarət olan çempionatda sayca 9-cu olan daha bir tura yekun vurulub. Qeyd edək ki, təmsilçilərimizdən 4-nün  qələbə qazanıb, 4-ününsə rəqiblə sülh bağladığı hesabat turunda iki şahmatçımız məğlubiyyətlə üzləşib. 

Turu qələb ilə bitirənlər sırasında qadın yığmamızın lideri Günay Məmmədzadə, Ayan Allahverdiyeva, Səbinə İbrahimova və Ləman Hacıyeva yer alıb. Rəqiblə sülh bağlayıb xal bölənlərimizə gəlincə, bu dördlükdə Avro-2024-ə liderlik edən Ülviyyə Fətəliyeva, Gövhər Beydullayeva, Xanım Balacayeva və Nərmin Abdinova yer alıb. Gülnar Məmmədovayla Səbinə Rzalı isə turu məğlub durumda vaşa vurub. 

Çempionatın başa çatmasına bir tur qalır. Geridə qalan 9 turdan sonra Ülviyyə Fətəliyeva 8 xalla yenə də yarış cədvəlinə şəriksiz liderlik edir. Qeyd edək ki, ən yaxın izləyicisini 1 xal qabaqlayan Fətəliyevaya çemon adını qazanmaq üçün son turda rəqiblə heç-heçə oynamaq da bəs edəcək. Ümid edirik ki, belə də olacaq. 

Digər şahmatçılarımıza gəlincə, Günay Məmmədzadənin 7, Xanım Balacayeva ilə Səbinə İbrahimovanın 6,5, Gövhər Beydullayevanınsa 6 xalı var. 

İNTİQAM Məmmədov