Gimnastika

-----------------

Gimnastika üzrə "Rektor kuboku"na start verilib

Bu gün Milli Gimnastika Arenasının köməkçi zalında Ulu Öndər Heydər Əliyevin 100 illiyinə həsr olunmuş gimnastika üzrə "Rektor kuboku"na start verilib. Gənclər və İdman Nazirliyindən verilən məlumata görə, yarışdan öncə təntənəli açılış mərasimi olub. Mərasimdə əvvəlcə Ulu Öndərin idman sahəsində verdiyi töhfəni əks etdirən videoçarx nümayiş etdirilib. Ardından Azərbaycan Dövlət Bədən Tərbiyəsi və İdman Akademiyasında (ADBTİA) təhsil alan tələbələrden ibarət "Kəlbəcər", "Cəbrayıl", "Ağdam", "Şuşa", "Füzuli", "Laçın", "Zəngilan", "Xocalı" və "Xankəndi" komandalarını təmsil edən gimnastlar zala dəvət olunublar.

Dövlət himninin səsləndirilməsi və şəhidlərimizin əziz xatirəsi bir dəqiqəlik sükutla yad edildikdən sonra ADBTİA-nin rektoru Fuad Hacıyev çıxış edərək prezident İlham Əliyevin idmana göstərdiyi diqqət və qayğının nəticəsində ölkəmizdə bir çox yarışların uqurla təşkil edildiyini bildirib. 

Açılış mərasiminin rəsmi və bədii hissəsi başa çatandan sonra "Kəlbəcər", "Cəbrayıl" və "Aqdam" komandasınin gimnastları sərbəst hərəkətlər, halqalar və müxtəlif hündürlükdə olan paralel qollarda çıxış ediblər.

İNTİQAM Məmmədov