Hidayət Heydərov 4 qat Avropa çempionudur 

Dünən Xorvatiyanın paytaxtı Zaqrebdə kişi və qadın cüdoçular arasında startı verilən və Azərbaycan cüdoçularınin da qatıldığı Avropa çempionatının bu günə təsadüf edən ikinci günü yiqmamiz üçün daha uğurlu olub. Belə ki, bu gün tatamiyə çıxan üç cüdoçumuzdan biri - dünya reytinq cədvəlinə liderlik edən, bu çempionata qədər üç dəfə Avropa çempionu adını qazanan Hidayət Heydərov (73 kq) yeni uqura imza atıb. O, Xorvatiyada keçirilən qitə çempionatında tatamiyə çıxdıqi bütün görüşlərini qələbə ilə başa vuraraq, karyerasında dördüncü dəfə öz çəkisində  Avropanın ən güclüsü adını qazanıb. Qeyd edək ki, həlledici finalda neytral statuslu (AİN) Daniel Lavrentyevi məqlub edən Heydərov finala gedən yolda Albaniya, Portuqaliya, 1/4 finalda neytral statuslu Rusiya təmsilçisini,  yarımfinalda isə Moldova idmançısını məqlub edib.

Təəssüflər olsun ki, bu gün onunla eyni vaxtda mübarizəəyə qatılan Rəşid Məmmədəliyev (73 kq) və Zəlim Tskayev (81 kq) cempionatla əliboş vidalaşıb.

Xatırladaq ki, çempionatın ilk günündə isə yığmamızın üzvü Balabəy Aqayev (60 kq)  yalnız finalda büdrəyərək gümüş medal qazanıb. 

Beləliklə, üç gün davam edəcək Avropa çempionatının geridə qalan iki günündə   Azərbaycan komandası iki medal (1-1-0) medal qazanıb.

İNTİQAM Məmmədov