"Murov Az Terminal" qadın voleybol klubu Azərbaycanın bürünc medalçısıdır 

Bu gün qadın voleybol klublarının mubarizə apardığı Azərbaycan çempionatının Yüksək Liqasinda da bürünc medalın sahibi müəyyənləşib. Qeyd edək ki, Bakı Voleybol Mərkəzində çempionatın bürünc medalı uqrunda keçirilən oyunda "Gəncə" ilə "Murov Az Terminal" klubu qarşılaşıb. Birinci hissəsi gərgin mübarizə şəraitində keçən bu qarşılaşma "Murov Az Terminal"in quru hesablı qələbəsi ilə bitib - 

3:0 (26:24, 25:18, 25:16). 

Bununla da qadınların yarışında bürünc medalın sahibi "Murov Az Terminal" olub.

Bu oyundan öncə isə kişi voleybol klublarının arasında üçüncü yer uğrunda keçirilən oyunda "Neftçi" MOİK-i çətinlik çəkmədən quru hesabla məqlub edib - 3:0

Yeri gəlmişkən, kişilər arasında həlledici final matçı aprelin 22-də Bakı İdman Sarayında keçiriləcək. Saat 16:00-da başlanacaq oyunda "Azərreyl"lə "Murov Az Terminal" qarşılaşacaq.

Ertəsi gün isə gün isə eyni məkanda və eyni vaxtda qadınların analoji final oyunu baş tutacaq. Həmin oyundasa Azərbaycan Voleybolunun flaqmanı sayılan "Azərreyl" klubu "Abşeron"la üzləşəcək. Bununla da ölkə çempionatının 2023/2024-cu illər movsuminə yekun vurulacaq və klublar sentyabr ayına qədər fasiləyə çıxacaqlar.

İNTİQAM Məmmədov