Nicat Abbasov Qukeşlə oyunda revanş edə bilməyib 

Kanadanın paytaxtı Torontoda keçirilən və Azərbaycan şahmatçısı Nicat Abbasov da daxil olmaqla planetin ən yaxşı 8 qrossmeysterinin iştirak etdiyi iddiaçılar turniri davam edir. Qeyd edək ki, mükafat fondu 930 min manat təşkil edən və dairəvi sistem üzrə keçirilməklə iki dövrədən (14 tur) ibarət olan turnirdə bu gün sayca 12-ci  tura yekun vurulub. Turda Nicat Abbasov hindistanlı Qukeş Dommaracu ilə qarşılaşıb. Təəssüflər olsun ki, Nicatın revanş etmək şansı olan bu qarşılaşma biinci dövrədə olduğu kimi, yenə də Qukeşin qələbəsi ilə başa çatıb. Abbasov üzərindəki bu qələbə Qukeşə yarış cədvəlində birinci pilləni ələ keçirmək imkanı verib.

12-ci turun digər oyunlarının nəticələri:
Хikaru Nakamura (ABŞ) – Əlireza Firuzca (Fransa)  - 1:0;
Yan Nepomniyaşiy (Rusiya) – Rameşbabu Praqnandxa (Hindistan)  - 0,5:0,5;
Fabiano Karuana (ABŞ) – Vidit Santoş (Hindistan) - 1:0.

Şahmatçıların turnir cədvəli: Qukeş, Nakamura, Nepomniyaşiy - hərəyə  7,5  xal, Каruana – 7, Praqnandxa  – 6, Vidit – 5, Firuzca – 4,5, Nicat Abbasov – 3 xal.

Qeyd: İddiaçılar turnirin qalibi finalda hazırkı dünya çempionu Dinq Lirenlə (Çin) Dünya Şahmat Tacı uğrunda 12 partiyalıq matç seriyasında mübarizə aparacaq. 

İNTİQAM Məmmədov