Nicat Abbasov bu dəfə Əlireza Firuzcayla bacarmayıb 

Torontoda (Kanada) azərbaycanlı şahmatçı Nicat Abbasov da daxil olmaqla planetin 8 ən yaxşı qrossmeysterinin iştirakı ilə keçirilən seçmə xarakterli iddiaçılar turniri davam edir. Dairəvi sistem üzrə keçirilməklə iki dövrədən viə14 turdan ibarət olan turnirdə artıq 11-ci tura da yekun vurulub. Hesabat turu həmyerlimiz üçün uğursuz olub. Belə ki, Fransa təmsilçisi Əlireza Firuzca ilə qarşılaşan Abbasov ilk dəfə qatıldığı bu turnirdə yenidən büdrəyib. Bu onun 11 turda 5-ci məğlubiyyəti olub. 

Hesabat turunun digər oyunları belə nəticələnib: 

Rameşbabu Praqnandxa (Hindistan) - Xikaru Nakamura (ABŞ) - 0:1;

Vidit Santoş (Hindistan) - Yan Nepomniyaşiy (Rusiya)  - 0:1;

Qukeş Dommaracu (Hindistan) - Fabiano Karuana (ABŞ)  - 0,5:0,5.

Turnirnirin başa çatmasına 3 tur qalmış yarış cədvəlində vəziyyət belədir: Nepomniyaşiy – 7 xal, Qukeş, Nakamura – hərəyə 6,5 xal, Каruana – 6 xal, Praqnandxa – 5,5 xal, Vidit – 5 xal, Firuzca – 4,5 xal, Аbbasov  – 3 xal.

Qeyd: Mukafat fondu 930 min manat təşkil edən bu turnirin qalibi finala yüksələrək hazırki dünya çempionu Dinq Lirenlə (Çin) Dünya ÇŞahmat Tacı uğrunda mübarizə aparmaq hüququ qazanmış olacaq. 

İNTİQAM Məmmədov