Dadaş Dadaşbəyli Dünya Kubokunda 3 gümüşlə ikinci olub 

Martın 31-də Tailandın Phuket şəhərində startı verilən və Azərbaycan atletlərinin də iştirak etdiyi ağırlıqqaldırma üzrə Dünya Kuboku başa çatmaq üzrədir. Paris 2024 Olimpiya Oyunlarına lisenziya xarakterli son turnirdə Azərbaycan da daxil olmaqla 110 ölkədən 449 (228+231) atlet mübarizəyə qatılıb. Bu yarışda Azərbaycanın idman şərəfini biri q2adın olmaqla 5 idmançı təmsil edib. Bu beşlikdə isə yeganə qadın atletimiz Nazilə İsmayılova (45 kq), kişilərdən isə İsa Rüstəmov, Ömər Cavadov (hər ikisi - 73 kq), Əli Şükürlü (102 kq), Dadaş Dadaşbəyli (109 kq) yer alıb.

Bu gün onlardan sonuncusu – Dadaş Dadaşbəyli körpücük üzərinə qalxıb. O, 109 kq çəki dərəcəsində yarışan atletimiz birdən qaldırma hərəkətində 177 kq-ı ram edib və bu nəticə ilə kiçik gümüş medala sahib çıxıb.

Təkanla qaldırma hərəkətində isə o, 211 kq ağırlığı başı üzərinə qaldırmağa nail olub. Atletimiz bu hərəkətində də kiçik gümüş medal qazanıb.

Sevindirici haldır ki, atletimiz iki hərəkətin cəmində toplam 388 kq (177+211) nəticə göstərməklə yenə də ikinci olub ki, bu da oma yekunda ikinci yeri tutmaq imkanı verib. Beləliklə, Dadaş Dadaşbəyli ikisi kiçik olmaqla 3 gümüş medal qazanıb.

Təəssüflər olsun ki, digər təmsilçilərimiz mükafatçılar sırasında yer ala bilməyib. Bunların arasında isə yalnız Nazilə İsmayılova nisbətən yaxşı nəticə göstərib. O, toplam 127 kq (55+72) nəticə ilə öz çəki dərəcəsində 5-ci yeri tutub.

Sabah +109 kq çəkidə çıxış edən atletlərin mübarizəsi ilə turnirə yekun vurulacaq. Bu çəkidə Azərbaycan təmsil olunmayacaq.

İNTİQAM Məmmədov