Maks Ferstappen Yaponiya Qran-Prisini də udub

Formula-1 üzrə keçirilən dünya çempionatında daha bir mərhələ yarışı keçirilib. Qeyd edək ki, cari mövsümdə sayca 4-cü olan və Yaponiyadakı "Suzuka" avtodromda baş tutan Qran-Prinin qalibi adını "Red Bull"un hollandiyalı pilotu Maks Ferstappen qazanıb. O, uzunluğu 5801 metr olan trasda 53 dörvə vurmaqla 307.471 km məsafəni hamıdan tez qət edib. Bu onun cari mövsümdə geridə qalan 4 Qran-Pridə üçüncü qələbəsidir. O, bundan öncə Avstraliya və Bəhreyn Qran-Prisini udmuşdu. 

Yaoniya Qran-Prisində ikinci yeri ondan cəmi 12,535 saniyə geri qalan komanda yoldaşı Serxio Peres (meksikalı pilot) tutub. Yürüşdə ilk üçlüyü isə finişə qalibdən 20,866 saniyə gec çatan ispaniyalı pilot Karlos Sayns ("Ferrari") tamamlayıb.

Yaponiya Qran-Prisində yürüşün nəticəsi belədir (ilk onluq):

1. Макs Ferstappen (Hollandiyalı pilot, "Red Bull" komandası)

2. Serxio Peres (Мекsikalı, "Red Bull") — qalibdən 12,535 saniyə geri qalib;

3. Каrlos Sayns (İspaniya, "Ferrari") — +20,866;

4. Sarl Lekler (Мərakeş, "Ferrari") — +26,522;

5. Lando Norris (Böyükbritaniya, "McLaren") — +29,700;

6. Fernando Alonso (İspaniya, "Aston Martin") — +44,272;

7. Corc Rassell (Böyükbritaniya, "Mercedes" ) — +45,951;

8. Оskar Piastri (Аvstraliya, "McLaren") — +47,525;

9. Lyuis Hemlton (Böyükbritaniya, "Mercedes" ) — +48,626;

10. Yuki Tsunoda (Yaponiya, "RB") — +1 dövrə geri qalib. 

Geridə qalan 4 Qran-Pridən sonra pilotların reytinq cədvəli belədir (ilk 10-luq):

1. Maks Ferstappen -77 xal, 2. Serxio Peres - 64 xal. 3. Şarl Lekler - 59 xal, 5. Lando Norris - 37 xal, 6. Oskar Piastri 32 xal, 7. Corc Rossell - 24 xal, 8. Fernando Alonso - 24 xal, 9. Lyuis Hemlton - 10 xal, 10. Lens Stroll - 9 xal.

Komandalrın reytin cədvəli (ilk beşlik): 1. Red Bull - 141 xxal, 2. Ferrari - 120 xal, 3. Maklaren - 69 xal, Mersedes - 34 xal, 5. Aston Martin - 33 xal. 

Qeyd: Növbəti Qran-Pri 19-21 aprel günlərində Çinin Şanxay şəhərində keçiriləcək. Pilotlar uzunluğu 5448 metr olan trasda 56 dəfə dövrə vurmaqla 305,066 km məsafəni qət etməyə çalışacaqlar. 

İNTİQAM Məmmədov