Hacı Əliyev və daha iki güləşçimiz Bakı-2024-ə qələbəylə başlayıb 

Aprelin 5-də Bakıdakı Milli Gimnastika Arenasında güləş üzrə startı verilən və Azərbaycan yiqmasinin ev sahibliyi etdiyi Avropa Olimpiya Təsnifatli turnir davam edir. Yunan-Romacilar və qadınlardan sonra turnirin son günü meydan sərbəst güləşçilərin ixtiyarına verilib. Son gün daha beş təmsilçimiz Paris-2024 Olimpiadasına lisenziya qazanamaq üçün finala yüksəlməyə çalışacaq.

Qeyd edək ki, beşliyimizdən üçü artıq mübarizəyə qatılıb və hamısı da start görüşünü qələbə ilə başa vuraraq növbəti mərhələyə keçib.

Bunlardan üçqat dünya və dördqat Avropa çempionu adını daşıyan Hacı Əliyev (65 kq)  fransalı Xamzat Arsamedzuyevi 10:0 hesabla üstələyib. O, 1/4 finalda AİN təmsilçisi Hurgun Skryabinlə güləşəcək.

Mərhələ asan digər təmsilçimiz Osman Nurmaqomedov (60 kq) təsnifat mərhələsində litvalı Domates Paulicenkodan güclü (10:0) olaraq 1/8-ə yüksəlib. Onun növbəti rəqibi isveçrəli Samuel Şerrar olacaq.

57 kq-da çıxış edən Əliabbas Rzazadə isə italiyalı Simone Piroddunu 11:0 hesabla məqlub edərək, 1/4-ə yüksəlib. Burada isə o, türkiyəli Süleyman Atlını atdan salmaqa çalışacaq.

Daha iki təmsilçimiz - Tural Bayramov (74 kq) 1/8-də Tabias Portmannla (İsveçrə) güləşəcək, Georgi Mesvildisvili (125 kq) isə hələlik mübarizəyə qatılımayıb.

Təəssüflər olsun ki, turnirin ilk iki günündə 4 klassikimiz və beş qadın güləşçimiz fiaskoya uğradaraq qarşıya qoyulan vəzifəni yerinə yetirə bilməyib.

Qeyd edək ki, reqlamentə görə hər çəki dərəcəsində finala yüksələn iki güləşçi Paris Olimpiadasına lisenziya qazanır.

İNTİQAM Məmmədov