“Zirvə” Ziyalılar Təşkilatının təşəbbüsü ilə rəsm sərgisinin açılışı olub

Sərgini “Zirvə” Ziyalılar Təşkilatının prezidenti AMEA-nın baş rəssam konstruktor - dizayneri ictimai  və incəsənət xadimi sərginin təşkilatçısı Minayə Dəyanət Feyzullayeva açaraq hamını salamladı, işlərində, həyatlarında can sağlığı, uğurlar arzulayaraq sərgi barəsində məlumat verdi.

Hörmətli  prezidentimiz 2023-cü ili Ümummilli Lider Heydər Əliyev ili elan etmişdir. Biz rəssamlar da öz əsərlərimizlə bugünkü sərgidə fəal iştirak etdik. Sərgidə 110 rəssamın 200-ə yaxın müxtəlif  janrda rəngarəng əl işləri nümayış olundu, sərgi ümumrespublika üzrə keçirilirdi. Buna görə də  Azərbaycan Respublikasının hər bir bölgələrindən Bakı kəndlərindən müxtəlif universtlərdən, idarə və müəssisələrdən rəssamlar iştirak etdilər. Heç bir məhdudiyyətlər olmadan sərgi təşkilatçısı yaş kateqoriyası olmadan peşəkar, qeyri-peşəkar gənclər, hətta fiziki qüsurlu rəssamlar da gözəl vətənpərvər mənzərə portret, dekorativ işlər, nəfis toxunmuş xalçalar, vitraj, muncuqlarla işləmə, çantalar, aksesuarlar və s.  sərgiyə gələn qonaqlara xoş əhval-ruhiyyə bəxş etdilər.

Sərgidə iştirak edən rəssamlar "Zirvə" Ziyalılar Təşkilatının "Heydər zirvəsi 100"adlı diplomu ilə təltif olundular.

ZZT-nın rəhbəri Minayə Feyzullayeva ilk sözü xalq rəssamı Ağali İbrahimova verdi. O,  tarixdə  yaşayan və indiki rəssamlar haqqında gənclərə  və gələn qonaqlara geniş məlumat verdi. Heydər Əliyev, vətənpərvərlik və vətənə sevgi  haqqında belə bir sərginin keçirilməsi üçün təşkilatçı Minayə D. F.-ya Rəssamlar İttifaqı adından təşəkkürlərini bildirdilər. Sonra  xalq rəssamı Arif Hüseynova söz verildi, o da  çıxışında  bildirdi ki, təşkilatçı Minayə xanım  bu sərgidə  hər bir yaşdan olan,  əsasən də bölgələrdə keçirilməsi çətin olan sərginin təşkili təqdirəlayiqdir və gözəl mənalı rəsmlər baxımlıdır. Hamıya uğurlar arzuladı.

Daha sonra söz sənətşünaslıq doktoru, əməkdar incəsənət xadimi Ziyadxan Əliyevəverildi. Ölkəmizin rəssamlarından, qədim minatür sənətindən xeyli məlumatlar verdi və gənclərimizi minatür sənətimizin sirlərinə vaqif olmağa dəvət etdi.

Sonra Bakıdakı Türk səfirliyinin təmsılçisi Yunis İmrə Universitetinin rektoru Səlcuk bəy də öz cıxışında Türk və Azərbaycan dostluğu, qardaşlığı və rəssamları haqqında gözəl sözlər söylədi, belə sərgilərin davamlı olmasını arzuladı.

Mədəniyyət Nazirliyinin məsul işçilərindən Sənan Talıbov rəssamlara uğurlar arzu edərək, Xızıdakı Müşfiq muzeyində nümayiş olunan Müşfiq portretinin də Minayə xanımın əsəri olduğunu  xatırlatdı və hamını həmin müzeyə  qonaq olmağa dəvət etdi. Təbriklərlə bitən çıxışın ardınca  Zeynəb Xanlarovanın  ansamblının ən aktiv qarmon ifaçılarından gözəl sənətkar Nizami  Əsgərov M.Müşfiqin “Sən Müşfiqin yanında qal sənə qurban” ifasiyla tədbiri daha da coşdurdu və eyni zamanda fitri istedada malik olan gənc müğənni qeyri-adi səsilə qonaqları təəccübləndirdi və yüksək alqışlara qərq etdi. Ardınca yazıçılar birliyinin şairəsi Nazlı xanım da  Ümummilli Liderimizin və “Zirvə” Ziyalılar Təşkilatının adına ittihaf etdiyi şerini sərgi iştirskçılarına ərməğan etdi.

Növbəti çıxışı Novosibirskdəki diasporamızın prezidenti Mirkazım Seyidov davam etdirdi  və rəssamlar Allah vergili olan insanlar olduğunu, onların yaratdığı əsərlərin insanların həyatında böyük rolu olduğunu vurğuladı və təbriklərini bildirdi. Sonda Qızıl Aypara cəmiyyətinin vitse prezidenti Qafar Əsgərzadə də sərginin təşkilatçısına  rəssamlara uğurlar və təbriklərini çatdırdı.
Sərgi qırmızı lent kəsilərək qonaqların ixtiyarına buraxıldı.

Sərgidə bir cox tanınmış elm, mədəniyyət, incəsənət, siyasət adamları iştirak edirdi. AMEA, BDU, Mədəniyyət İncəsənət Universiteti, Memar İnşaat, Pedaqoji İniversitetlər və s.  sənətsevərlər və rəssamlar aktiv iştirak etdilər.

Sərği uğurla və əhval-ruhiyyə ilə möhtəşəm başa çatdı.